Aizaia 51:2 - Edo Bible (E Baibol Ẹdo) Version 1996

² Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Aizaia 51:2 ပူးပေါင်းရင်းမြစ်များ

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 24:1

Te Ebraham ghi wa khian ọmaẹn ẹsẹse, Osanobua keghi wa vbe fiangbẹe vbe emwi ne ọ ru hia.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Aizaia 29:22

Banbanna nian, e Nọyaẹnmwa ne Osanobua Izrẹl, ọmwa ne ọ fan Ebraham vbe irri hin uwu ibaro ẹre rre khare wẹẹ, “Wa ne emwa mwẹ, a i ghi dọlegbe fa uwa a ọvbehe, ugbaro uwa i ra dọlegbe ye hoo rhunmwuda ighẹ ekhue mu uwa.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 43:27

Avbe erha uwa nikaro ru orukhọ, iran ni khaemwisẹ yan uwa rukhọ ghe mwẹ,

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 60:22

Uhin wẹ ẹgbẹe ne ọ kanmwa sẹ ke ne ọ rriotọ sẹẹ gha do gha kpọlọ zẹ vbe uhunmwu ẹvbo ne ọ mwẹ ẹtin. Ọ gha sẹ ẹghẹ ne ọ kei yi, I gha ru ẹe ne ọ na sunu ẹgiẹgiẹ. Mẹ ọrọre Nọyaẹnmwa.”

Aizaia 63:16

Wẹ ọrọre erha mwa. Ebraham kevbe Jekọh ne avbe erha mwa odede ma ka ima yọ, sokpan, wẹ ne Nọyaẹnmwa, wẹ ọrọre erha mwa, wẹ ọ re ọmwa ne ọ wa miẹn ima fan dee ẹdẹ.

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Diuteronomi 1:10

E Nọyaẹnmwa ne Osanobua uwa keghi gie uwa gha muan yọ zẹ vbe orhọnmwẹ ne aro iso.

Diuteronomi 26:5

Iyeke onii wa ghi kha vbenian vbe odaro e Nọyaẹnmwa: ‘Ovbi Aremia, ne ọkpolugho ne ẹ i mwẹ owa ọ re erha mwẹ odede gha khin vbe ọ viọ emwa ẹgbẹ ọ re gha rrie Igipt ne ọ ya yin evba, ibozẹghẹ ọ re iran khin vbe iran khian, sokpan iran keghi do khian okpẹvbo ne ọ digba kevbe ne ọ mwẹ ẹtin.

Jọsua 24:3

Ẹre I na rhie Ebraham hin otọe ni rre, fian Yufretes rra, I na su ẹe la otọ Kenan, ehe ne ọ sẹe ehe ne ọ rhanmwẹ. I kevbe viọ emọ ni bun ne ẹẹn, I rhie Aizik ne ẹẹn,