Aizaia 51:19 - Edo Bible (E Baibol Ẹdo) Version 1996

¹⁹ Odekun eva ọ re u vbaa vbe egbe, okuo guọghọ otọe ruẹ hia ohanmwẹ gbe avbe emwa ruẹn. A ma miẹn ọmwa ne ọ tohan ruẹn.

Aizaia 51:19 ပူးပေါင်းရင်းမြစ်များ

Job 2:11

Eha vbe uwu avbe se ne Job mwẹ keghi re, Ẹlifaz ne ovbi ẹvbo ne a tie ẹre Tẹman, e Bildad ne ovbi e Siua kevbe Zofa ne ovbi e Naama. Iran ghi họn vbene emwi ba so e Job hẹẹ, iran na wẹ iran ra ya fu ẹre ẹko rre.

Job 42:11

Avbe etẹn e Job nikpia kevbe nikhuo kevbe avbe esiọ re, keghi do gha tuẹ Job. Iran keghi fu ẹre ẹko rre vbe ekpa ọlọghọmwa ne Nọyaẹnmwa mu yan rẹn. Ọkpọkpa vbe uwu iran keghi rhie igho kevbe oroka igoru ne ẹẹn.

Psalm 69:20

Ihẹn ne iran tie ya ekhọe mwẹ rhia, emwi hia wa khan mwẹ. Te I te rhie aro ye itohan, sokpan I ma miẹn, I te rhie aro ye egberọkhọmwẹ sokpan, ọ ma sẹ mwẹ obọ.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Aizaia 54:11

E Nọyaẹnmwa khare wẹẹ, “E Jerusalẹm wẹ ne ẹvbo ne u sẹsẹ kevbe ne egbe wọre. Vbe ne a i na vbe miẹn ne ọ fu ruẹ ẹko rre, I gha ya okuta ighobioye dọlegbe gbe ẹyotọ ruẹ.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 8:21

Emwa gha zozo lele otọe nii zẹ vbe emwa ne ẹtin fo kevbe ne ohanmwẹ gbe. Vbe uwu ne ohu na mu iran kevbe ne ohanmwẹ na vbe gbe iran nii, iran ghi filo unu gie ọba iran nii, iran ghi filo unu gie ọba iran kevbe Osanobua iran. Iran sẹtin gha ghe odukhunmwu

Aizaia 9:20

Vbe otọe nii hia, evbare ne emwa a rhirhi miẹn ọ re iran gha gua rhie, iran ghi vbe gha rri ọe sokpan, ẹko i vuọn iran. Uhin ighe te iran ra gha gbele ivbi iran re.

Jerimaia 15:5

E Nọyaẹnmwa khare wẹẹ, “De ọmwa ne ọ gha tohan uwa ivbi e Jerusalẹm, de ọmwa ne ọ gha vbe khiẹ uwa? De ọmwa ne ọ gha mudia kpee sẹ ne ọ gha na nọ uwa wẹ vbe ọ ye hẹ?

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Eve Orriara 1:12

Ọ datu ma avbe emwa ni gberra khian wẹẹ, “Wa ghe mwẹ o, wa ni gberra khin a ma he miẹn ọmwa ne ọ miẹn egbe obalọ vbe ọghomwẹ na ẹdẹ. Obalọ ne Nọyaẹnmwa hihiẹẹ yan mwẹ vbe ohu mu ẹẹn.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Ezikiẹl 14:15

“Ra, adeghẹ I gie aranmwẹ akọn ne ọ ya gbele emwa nii, ne ọ gha gie otọe nii vuọn ne ẹbe sẹrriọ wẹ a i ghi miẹn ọmwa ne ọ la ẹe gberra.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Emọs 7:2

Vbe uwu umian nii, I keghi bẹghe vbe avbe irhiso wa rri irunmwu ni ghi bi nunuunu hia vbe otọe nii, ọre imẹ na kha wẹẹ, “E Nọyaẹnmwa ne Udazi, yabọ emwa ruẹn, vbe iran ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Nahum 3:7

Emwa ni bẹghe ruẹ hia gha lẹ werriegbe. Iran ghi kha wẹẹ, ‘Itowa ọre Ninevi ghi khin! De ọmwa ne ọ gha tohan rẹn? De ọmwa ne ọ gha ho ne ọ fu ẹre ẹko rre.’ ”

II Kọrinti 7:13

Ọnii ọre ọ si ẹe ne udu na gha hu ima. Ẹ i re wẹ ọ ya udu gha hu ima ọkpa, Taitọs keghi wa ye ọyẹnmwẹ sẹ mwẹ vbe ekpa vbene ẹko rhiẹnrhiẹn ọen ye vbene uwa hia sẹ oyaya muẹn hẹ.