Aizaia 51:13 - Edo Bible (E Baibol Ẹdo) Version 1996

¹³ Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 51:13 ပူးပေါင်းရင်းမြစ်များ

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Job 37:18

U gha sẹtin gu Osanobua tan iso ra? Ne u vbe ya ẹe wegbe zẹ vbe ematọn ne a fiọnghae yi.

Job 9:8

Ọmwa ne ọ gu Osanobua tan iso i rrọ, ra ne ọ ye owẹ rrilo ugbogiorinmwi ẹzẹ iyeke.

Psalm 104:2

Wẹ ye uwanmwẹ gue egbe ruẹ hia, u tan ẹrinmwi zẹ vbe ibọkpọ.

Psalm 106:13

Sokpan, banbanna, iran vbe mianmian iwinna ne ọ winna ẹn nẹ, iran na gha ru emwi, vbe ne ai na dia khẹ vbene ọ kha hẹ.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Aizaia 10:24

E Nọyaẹnmwa ne Ogie ne Udazi keghi tama emwa rẹn ni rre Zaiọn wẹẹ, “Wa ghẹ gie afianma ivbi Asiria fian uwa, a gha rhe miẹn wẹ iran wọ uwa uhunmwu vbene ivbi Izrẹl ka vbe gha ru ẹe.

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 16:4

Gie ima di otọ uwa ya. Wa degue ima ne obọ iran ni ho ne iran fuẹn ima an ghẹ gba ima.” (A zẹ ọmwa kpokpo kevbe ọfuan gha sẹ ufomwẹ, iran ni vbe mu ẹvbo rhia gha kpao).

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 40:21

Wẹ ma rẹn ra? A ma tama ruẹn ke ẹkpo nii gha dee? Wẹ ma he họn vbene agbọn ya suẹn hẹ?

Aizaia 40:22

Ọmwa ne ọ tota ye ẹkete ẹre ọ re ọ ru ẹe vbe odukhunmwu agbọn, a ghi gberra iso, emwa ni rre ototọ ye giẹnrẹn vbe iranmwẹ ọ tan agbọn zẹ vbe ukpọn ne a taẹn zẹ vbe owa ukpọn ne ọ mwa ra dia.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:12

Mẹ ọrọre ọmwa ne ọ yii otọe agbọn I keghi vbe yi emwa nagbọn ne iran gha rre evba. Ẹtin mwẹ ọ re I ya rhaan iso ladian; mẹ ọ re ọ dia owẹn, kevbe uki kevbe avbe orhọnmwẹ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 48:13

Obọ mwẹ ọ re ọ gbe ẹyotọ agbọn ọ na vbe tan iso gbadaa. I gha gie ne a tie otọe kevbe iso, iran ghi rre vbe ọwarọkpa do rhie egbe ma.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Aizaia 7:4

Kha ma rẹn wẹ ne ọ sikhua, wẹ ne ọ gie ekhọe ẹre sotọ wẹ ne ọ ghẹ hawa, ọ ghẹ gie ohan mu ẹẹn. Ohu ne ọ mu e Rezin ne Ọba kẹe kevbe ivbi e Siria ne emwa rẹn na kevbe Ọba Pẹka ọ ma zẹdẹ zẹ ẹbe sẹẹ ighogho ne ọ ke ivbi erhan eva ni gbe muẹnmuẹn rre.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 38:19

Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Jerimaia 51:15

E Nọyaẹnmwa ọ re ọ ya ẹtin ẹnrẹn yii otọe, ẹwaẹn ẹnrẹn ọ re ọ ya yii agbọn, ọ kevbe rhaan aro iso ne ọ vbẹ.

Jerimaia 51:19

Osanobua Jekọb i ye vbe iran, rẹn ọ re ọmwa ne ọ yii emwi hia, ọ keghi zẹẹ Izrẹl ne iran wa gha re emwa irẹn to bọ irẹn. E Nọyaẹnmwa ne Oghodua ọre a tie ẹre.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:18

Sokpan, a deghẹ ọ ma ghi vbe ru vberriọ, u ghi rẹn nian Umogun wẹ ma i ra gho ẹbọ ruẹ, ma i ra vbe ya uhunmwu rhanmwẹ otọ ne amazẹ igoru ne u maẹn.”

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

I Kọrinti 15:55

“Uwu, akhọnmiotọ ruẹ vboo? Uwu, obi ruẹ vboo?”

Diuteronomi 32:18

Iran mianmian Osanobua iran, ọmiọnmwafan iran nọkhua ọmwa ne ọ rhie arrọọ ne iran.

Diuteronomi 6:12

Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Diuteronomi 8:11

“Wa gie a miẹn wẹ wa ma mianmian e Nọyaẹnmwa Osanobua rua, wa ghẹ mwẹ wa ma gha ya uhi ẹre ne I ma uwa ẹre ẹrẹna ru emwi.

Hibru 11:15

Iran ma ghi vbe mu ẹmwẹ ẹvbo ne iran kpao sẹ rae ro, akpawẹ te iran ru vberriọ, otọ te wa rrọọ ne iran ya werriegbe.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 20:9

Iran gha egbe gba otọ agbọn hia, iran ke ghae ga agọ emwa Osanobua kevbe ẹvbo ni ne irẹn ho ẹmwẹ ọnrẹn, sokpan, erhẹn ke ẹrinmwi rre, ọ na fuẹn iran uan.