Aizaia 51:12 - Edo Bible (E Baibol Ẹdo) Version 1996

¹² E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 51:12 ပူးပေါင်းရင်းမြစ်များ

II Ọba 1:15

Odibo e Nọyaẹnmwa keghi tama Elaija wẹẹ, “Lele ẹe gha khian, ghẹ gie ohan mu ẹẹn.” Ẹre Elaija na lele ọkaokuo nii bu ọba gha khian.

Psalm 118:6

E Nọyaẹnmwa rrọọ yaba mwẹ, ohan i ghi mu mwẹ de emwi ne ọmwaikọmwa gha miẹn ru mwẹ re?

Psalm 146:4

Iran gha wulo, iran ghi dọlegbe khian ekẹn, ẹdẹdẹmwẹdẹ, emwamwa ekhọe iran hia sẹ ufomwẹ.

Psalm 92:7

ọmwa dan sẹtin wan vbe irunmwu agbọn sẹtin maa iran ni ru emwi dan, sokpan, a gha fuẹn iran fo fẹẹrẹ.

Itan 29:26

Agbọn hia ọ re ọ ho ne ọmwa ne ọ rre asẹ gha ho ẹmwẹ ọnrẹn, sokpan obọ e Nọyaẹnmwa okpa ọ re a na mian ẹmwata.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Aizaia 40:1

Erriọ Nọyaẹnmwa khare, “Wa fu avbe emwa mwẹ ẹko rre. Wa fu iran ẹko rre!

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 52:9

Wa gha wee ne oghọghọ wa ne itowa ni rre Jerusalẹm! E Nọyaẹnmwa gha miẹn ẹvbo ẹre fan ọ ghi vbe fu avbe emwa rẹn ẹko rre.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 66:13

I gha bọ uwa vbe Jerusalẹm zẹ vbene iye ọmọ bọ ovbi ẹre.

Aizaia 8:12

“Ghẹ deba uma ne avbe emwa nii si, ghẹ vbe mu ohan emwi ne iran mu ohan ẹnrẹn.

Jerimaia 38:19

Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Ezikiẹl 2:6

“Sokpan wẹ ovbi ọmwa, ghẹ gie ohan iran mu ẹẹn, ra ẹmwẹ ne iran ta. Iran gha yagha a; iran ghi fa ruẹ ua, te ọ ra yevbe ne ọmwa rre uwu ẹbu ekpakpahuangan. Sevba, ghẹ gie ohan avbe etẹ nii mu ẹẹn ra emwi ne iran a rhirhi ta.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Iyẹn ne ọ Maan Ọghe Jọn 14:18

“Mẹ i ra sẹ uwa ọkpa rae, I gha dọlegbe bu uwa rre.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.

I Samuẹl 17:11

Ugbẹn vbe Sọl kevbe emwa rẹn ghi họn ẹmwẹ na, udu iran na kpaẹn fi ẹko.

I Samuẹl 21:13

Ẹre Devid na ba gha mwẹmwẹ vbe odaro iran hia, ọ ghi gha gbẹnnẹ emwi ye ẹkhu onurho ẹvbo nii, ọ ghi vbe gha kpa odọnghọn ye ẹtu ẹre.