Aizaia 50:9 - Edo Bible (E Baibol Ẹdo) Version 1996

⁹ E Nọyaẹnmwa ne Udazi tobọ ẹre ọre ọ mu ẹzọ mwẹ gui. De ọmwa ne ọ gha miẹn abe bu gbe mwẹ khekherriọ? A gha ho iran ni gun mwẹ gui hia bẹkun; a gha ho iran bẹkun zẹ vbe ukpọn ne errarra re.

Aizaia 50:9 ပူးပေါင်းရင်းမြစ်များ

Job 13:19

“Te u ra do ba mwẹ ifi ẹzọ ra Osanobua? U gha ru vberriọ, mẹ mu egbe ne I gha ya hunwan ne I wa wu.

Job 13:28

Rhunmwuda ọnii nian, I keghi vbiolo kua zẹ vbe erhan ne ọ kẹkẹe, kevbe zẹ vbe ẹwu ne arriukpa re.”

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 39:11

Ẹzọ ne u gu ọmwa gui, ọ re u ya rri ọmwa oya ye orukhọ ne ọ ru. U ghi vbe fuẹn emwi ne ọ te ye ọre ua zẹ vbene arriukpa rri emwi. Vbe ẹmwata, ọmwa ma maa sẹẹ ẹhoho ne ọ rhie gberra khian.

Psalm 54:6

Ẹko ne ọ rhiẹnrhiẹn, ọ re imẹ gha ya zọ ese ghe ruẹ Nọyaẹnmwa, I gha rhie ekpọnmwẹ nuẹn, rhunmwuda wẹ maa.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jems 5:2

Ẹfe ne uwa fe hia kẹkẹ ua nẹ, arriukpa vbe rri ukpọn uwa hia fo.