Aizaia 50:8 - Edo Bible (E Baibol Ẹdo) Version 1996

⁸ Rhunmwuda, Osanobua sikẹ mwẹ ọ gha kha wẹ I ma rriabe. De ọmwa ne ohan gha gie ẹe gunmwẹ gui yi? Wẹ ne ọ gie ima gba gha rrie iko wẹ ne ọ ba mwẹ ifi ẹzọ!

Aizaia 50:8 ပူးပေါင်းရင်းမြစ်များ

Job 13:19

“Te u ra do ba mwẹ ifi ẹzọ ra Osanobua? U gha ru vberriọ, mẹ mu egbe ne I gha ya hunwan ne I wa wu.

Psalm 119:151

Sokpan, wẹ sikẹ mwẹ Nọyaẹnmwa, iyi ruẹ hia, etẹbitẹ nọ.

Ẹksọdọs 22:9

“A gha sinmwi emwikemwi ọre ẹmila nọ ra ekẹtẹkẹtẹ ra ohuan ra ukpọn ra emwi ne ọ rhirhi a wi, ne ọmwa ọvbehe khare wẹ rẹn ọre ọ yan rẹn, a ghi viọ ẹmwẹ iran e eva gha die owa ugamwẹ ọmwa ne Osanobua ghi bu abe gbe ghi hae ukhukhu eva ne ọmwa nọkpa.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 41:1

Osanobua khare wẹẹ, “Wa gbẹdọ ne uwa danmwehọ mwẹ wa ne otọe urria! Wa ne ẹvbo ni rre urria gban an. Wa mu egbe ne uwa ya rhan otọ egbe uwa vbe iko. A gha rhie otọ ne uwa ya guan wa gia miegbe ne a do ta ene ọ rri ase vbọ.

Aizaia 41:21

Ẹmwẹ ne Nọyaẹnmwa ne ọba Izrẹl tae ọ re ọna khin: “Wa ne avbe ẹbọ uhunmwu ẹvbo wa gui ẹzọ ọghe uwa. Ẹzọ ne ọ dia sẹẹ ne uwa mwẹ wa gui ẹe.

Aizaia 43:26

“Wa gie ima gha rrie iko ẹzọ, wa viọ ẹzọ ne uwa mwẹ ne uwa ra gui rre. Wa do ta ne unu uwa, ne uwa rhie ma ighẹ wa ma rria abe.

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Matiu 5:25

“A deghẹ ẹzọ sunu ne uwẹ vbe ọmwa, ọ na muẹn gha rrie iko, adeghẹ ẹkpotọ rrọọ, guẹ ta ẹre ọghe owa ne ọ ghẹ ghi sẹ iko. Ọ gha sẹ iko, ọ gha fiọ ne nọbuohiẹn, nọbuohiẹn ghi rhie ruẹ ne ọgbalegbe, a ghi fian an fi eghan.

Diuteronomi 19:17

Iran eveva ghi do mudia vbe ehe ọkpa ne a na ga nii, ne avbe ohẹn kevbe ni bu ohiẹn ni mu unu ẹghẹ nii, bu ohiẹn iran.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.