Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaia 50:7 - Edo Bible (E Baibol Ẹdo) Version 1996

7 Sokpan ẹbọ iran i miẹn emwi ru mwẹ re rhunmwuda, e Nọyaẹnmwa ne Udazi mudia mẹ. I si aro gba vbe uhunmwu ne I ya ziengbe emwi ne iran ru I rẹnrẹn wẹ efa ira rruan mwẹ.

အခန်းကိုကြည့်ပါ။ ကော်ပီ




Aizaia 50:7
21 ပူးပေါင်းရင်းမြစ်များ  

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”


Ẹko ne ọ rhiẹnrhiẹn, ọ re imẹ gha ya zọ ese ghe ruẹ Nọyaẹnmwa, I gha rhie ekpọnmwẹ nuẹn, rhunmwuda wẹ maa.


Banbanna nian, e Nọyaẹnmwa ne Osanobua Izrẹl, ọmwa ne ọ fan Ebraham vbe irri hin uwu ibaro ẹre rre khare wẹẹ, “Wa ne emwa mwẹ, a i ghi dọlegbe fa uwa a ọvbehe, ugbaro uwa i ra dọlegbe ye hoo rhunmwuda ighẹ ekhue mu uwa.


E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.


Sokpan, e Nọyaẹnmwa miẹn Izrẹl fan etẹbitẹ ọ re akhọnmiotọ ẹre khin a i ra fa emwa rẹn uan ẹdẹdẹmwẹdẹ.’ ”


Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”


E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.


E Nọyaẹnmwa ne Udazi tobọ ẹre ọre ọ mu ẹzọ mwẹ gui. De ọmwa ne ọ gha miẹn abe bu gbe mwẹ khekherriọ? A gha ho iran ni gun mwẹ gui hia bẹkun; a gha ho iran bẹkun zẹ vbe ukpọn ne errarra re.


Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.


Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”


Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.


Ẹghẹ ghi bu otọ nẹ ne a gha ya tọn Jesu mu dọlegbe gha rrie ẹrinmwi, rẹn keghi wa mu egbe ẹre, ọ na mu uhunmwu da Jerusalẹm.


Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”


I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.


Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”


Vbene a ghi na miẹn wẹ, ikinnegbe ọre Kristi ya rri oya, wa vbe ya egbe iro vberriọ rhie ẹtin ye egbe uwa iwu, rhunmwuda ọmwa ne ọ ghi rri oya nẹ vbe egbe, ẹ i ghi de fi orukhọ.


Sokpan, deghẹ u rri oya rhunmwuda ighẹ, u re ọguọmwadia Kristi, ghẹ gie ekhue ẹre mu uẹn, sokpan gha kpọnmwẹ Osanobua wẹ, u vbe khuẹnniẹn eni Kristi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ