Aizaia 50:6 - Edo Bible (E Baibol Ẹdo) Version 1996

⁶ I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Aizaia 50:6 ပူးပေါင်းရင်းမြစ်များ

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Job 16:10

Emwa gha niẹn ukpe da mwẹ, iran do lẹga mwẹ, iran kegha gbe ubi yọ mwẹ aro.

Job 30:10

Te iran ghi sọnnọ mwẹ, iran wẹ iran maa sẹ mwẹ gbe, iran gha bẹghe mwẹ, iran ghi gha tulo asẹn yọ mwẹ aro.

Psalm 129:3

Iran fian mwẹ ẹwẹn ne ọ da vbe iyeke, iran keghi ru ẹe zevbe otọe ne a na gua.

Psalm 69:7

Rhunmwuda ruẹ ọ re a na tie ihẹn mẹ, ne a na vbe ya ekhue rhu mwẹ ginna otọ.

Psalm 69:8

Te I yevbe orhunmwuyẹn ne avbe etẹn mwẹ, zẹ vbe ọrriọvbe ne ẹgbẹe mwẹ.

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Eve Orriara 3:30

Ọ gha khọn rẹn ne a gbe mwa ra ne a vbe rhovbiẹ mwa wa gie ima hẹko ya egbe miẹn ehia.

Maika 5:1

Wa ne ivbi e Jerusalẹm, wa khẹ ye egbe! Ghe i ghẹ iran mu okuo gie ima. Iran gha gu ọkaolotu Izrẹl gbinna!

Nọmbas 12:14

E Nọyaẹnmwa keghi wanniẹn wẹẹ, “Akpawẹ te erha ẹe ghi tu asẹn ye ọre aro vbo, ẹre te ọ gha ziengbe efaa ẹre la ikpẹdẹ ihinrọn. Rhunmwuda ọnii, wa rhie ẹre hin agọ rre la uzọla ọkpa, vbe iyeke ọnii, a sẹtin rhie ẹre werriegbe rre.”

Matiu 26:67

Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ,

Matiu 27:26

Pailet keghi fan Barabbas fua ne iran, ọ ghi gbe Jesu asan nẹ, ọ keghi rhie ẹre ne iran, ne iran ya kan rẹn mu ugbugbe.

Matiu 27:30

Iran tu asẹn ku ọre, iran keghi rhie ọkpọ ne ọ rre ọre obọ, iran na gbẹe yọ re uhunmwu.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Iyẹn ne ọ Maan Ọghe Mak 14:65

Eso vbe uwu iran keghi suẹn gha tu asẹn ku Jesu, iran keghi gba ẹre aro, iran ghẹ ghi fi ẹre emwi nẹ, iran ghi nọ rẹn, “Ta ọmwa nọ fi uẹ emwi!” Iran ni khẹ odẹ keghi rhie ẹre, iran na ya ubi yan rẹn.

Iyẹn ne ọ Maan Ọghe Mak 15:19

Iran ghẹ ghi ya erhan gbe emwi ye ọre uhunmwu nẹ, iran ghi tu asẹn ku ọre, iran ghi vbe diguẹ ye uhunmwu rhanmwẹ otọ nẹ ẹn.

Iyẹn ne ọ Maan Ọghe Jọn 18:22

Jesu ghi ta ẹmwẹ na nẹ, ọkpa vbe avbe ọgbalegbe ni rre evba keghi gbe ubi ye ọre aro, ọ wẹẹ, “Ogie Ohẹn wẹ gu guan vberriọ!”

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.