Aizaia 50:4 - Edo Bible (E Baibol Ẹdo) Version 1996

⁴ E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Aizaia 50:4 ပူးပေါင်းရင်းမြစ်များ

Job 4:4

Ọmwa gha ye mitanmitan, egbe na wọ ẹre, ọ na de, ẹmwẹ unu ruẹn ọ re ọ rhie ẹtin ne ẹẹn ne ọ guakpao vbe otọ.

Psalm 119:147

Vbe owẹn te yan rre, I da tie ruẹ nẹ wẹ ne u yọmwẹ obọ, eyan ruẹn ọ re imẹ na mwẹ idanmwehọ.

Psalm 143:8

Gha ye mwẹ ẹre rre owiẹ owiẹ ighe ẹmwẹ ahoẹmwọmwa ruẹn ne ẹ i beghe, rhunmwuda, wẹ ọ re imẹ mu ẹtin mwẹ yan. Erhunmwu mwẹ hin odukhunmwu bu ruẹ dee, ma mwẹ odẹ ne I gha la.

Psalm 40:7

Rhunmwuda ọnii, mẹ keghi wanniẹn wẹẹ, “Ghe mwẹ vbe emwana emwi ne u tama mwẹ hia rre uwu nene ẹbe uhi.

Psalm 45:2

Wẹ ọ re ọ ghi mose sẹ vbe uwu avbe ikpia hia ọmwa ne ẹmwẹ ma ẹre unu ọre u khin. Te Osanobua wa fiangbe uẹ vbe ẹghẹ hia.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Psalm 88:13

E Nọyaẹnmwa, mẹ kpe tie ruẹ nọ iyobọ, owiẹ owiẹ ọ re I ya na erhunmwu ghe ruẹ.

Itan 12:25

Ohawa sẹtin rhie ọyẹnmwẹ hin ọmwa obọ rre, sokpan, ẹmwẹ itohan ghi gha ya ọyẹnmwẹ sẹ ọmwa.

Itan 15:23

U miẹn vbe ọ rhiẹnrhiẹn hẹ a deghẹ a miẹn ẹmwẹ ne ọ guae ro ya gie vbene emwi ye hẹ zẹẹ.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Aizaia 28:19

Ọ gha kinmwi uwa yan egbe yan egbe owiẹ owiẹ, wa ghi vba ẹre vbe egbe ke avan kevbe asọn. Dọmwadẹ uhunmwu ọgbọn ne Osanobua gie rre, ọ re ọ gha vbe gha si ugborrirri ọgbọn rre.

Aizaia 28:9

Iran hia gui ẹzọ mwẹ khian. Iran wẹẹ, “De ọmwa ne oko ni ro ighe rẹn ma ẹre emwi yi? De ọmwa ne ọ mwẹ emwi ne ọ ya uhunmwu ne ọ gie ru yi? Emọ ni da fian ewẹn ọkpa ọ re ọ gha mwẹ emwi ne ọ gha yae ru.

Aizaia 35:5

Arhuaro gha bẹghe odẹ, ayin ehọ gha họn ẹmwẹ.

Aizaia 40:29

Rẹn ọ re ọ rhie ẹtin ne iran ne ẹtin fo kevbe ne egbe wọre.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 54:13

“Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Aizaia 8:16

Wa ne erhuanegbe mwẹ ọ re ọ ra gha siẹn ẹro ẹmwẹ ne Osanobua ta ma mwẹ.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Ezikiẹl 46:13

E Nọyaẹnmwa khare wẹẹ, “Owiowiẹ, wa ghi gha gien ovbi ohuan ne ẹ i mwẹ okan ne ọ rre ukpo ọkpa ikun ẹnrẹn ohoho zẹ vbe emwi ne a ya yọ imuohan gie Nọyaẹnmwa. Owiowiẹ ọ re ọ kere ne a ya gha yo imuohan na.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Matiu 13:54

ọ keghi kpa vbe evba, ọ na gha rrie ẹvbo irẹn tobọ irẹn, ọ kegha ma emwa emwi vbe Ọgua ediọn iran. unu keghi wa yan emwa hia ni họn ẹmwẹ ọnrẹn. Iran nọ egbe iran ọta wẹẹ, “De ehe ne ọ na ya miẹn ẹwaẹn na hia yi? Wa vbe ghe iwinna ọyunnuan ne ọ winna.

Matiu 22:46

A ma miẹn ne ọ sẹtin wanniẹn Jesu ẹmwẹ ọkpa kẹkan, ke ẹdẹ ne ẹdẹrriọ kpao, a ma ghi miẹn ọmwa ne ohan ghi gie ẹe nọ Jesu ọta rhọkpa.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Luk 4:22

Ẹmwẹ ọnrẹn keghi rhiẹnrhiẹn iran ẹsẹse, unu keghi yan iran ye ẹmwẹ, nọ rhiẹnrhiẹn ne ọ guan, iran wẹẹ “Ọna i re ovbi e Josẹf?”

Iyẹn ne ọ Maan Ọghe Jọn 7:46

Avbe ọgbalegbe wanniẹn wẹẹ, “A ma he miẹn ọmwa ne ọ guan vbe okpia na ẹdẹ!”

Diuteronomi 18:17

“Ẹre Nọyaẹnmwa na tama mwẹ wẹẹ, ‘Emwi umẹwaẹn ọ re iran nọ rẹn.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.