Aizaia 50:11 - Edo Bible (E Baibol Ẹdo) Version 1996

¹¹ Wa hia ni si uma ne uwa fuẹn ẹrrẹe rua uma ne uwa si nii ọ re ọ ra fuẹn uwa a. E Nọyaẹnmwa tobọ ẹre ọ re ọ ra gie ẹe gha ye vberriọ ọkhọ ne ọ wegbe ọ re ọ ra rruan uwa.

Aizaia 50:11 ပူးပေါင်းရင်းမြစ်များ

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Itan 26:18

Ọmwa ne ọ mu ogieva ẹre ru, ọ na wẹ ọdẹn rẹn gbe, te ọ yevbe ọmwẹmwẹ ne ọ ye emwi ne ọ sẹtin kuan ọmwa ku.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Jerimaia 17:4

Wa gha vbe zobọ vbe otọe ne I te mu ne uwa, I ghi vbe ru ẹe ne uwa ya ga avbe eghian vbe otọe ne uwa ma rẹn emwi rhọkpa vbe ekpa ẹre rhunmwuda te ohu mwẹ ye vbe erhẹn, ọ gha vbe gha yọn rhinrin ẹdẹdẹmwẹdẹ.”

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Habakọk 2:13

Avbe ẹvbo ne uwa khọn mu gha rri ororo rhunmwuda iwinna ẹhorriẹ ne uwa ya iran winna, emwi hia ne iran te bọ khian ne ọ la erhẹn rrie. E Nọyaẹnmwa ne Oghodua ọ re ọ ru ọna.

Matiu 22:13

Ẹkpo nii ọre ọba ghi na khama avbe eguọmwadia ẹre wẹẹ, ‘Wa gba ẹre obọ gba ẹre owẹ, ne uwa mu ẹn fi uwu ebiebi vbe ore, ne ọ ya gha viẹ egbe kevbe ne ọ ya gha rri akọn vbe evba.’ ”

Matiu 8:12

A ghi khulo iran ne a mobọ roro ighe ọ yan nene Arriọba ku uwu ebiebi vbe ore. Iran ghi gha viẹ, iran, ghi gha rriakọn khuara vbe evba.”

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Iyẹn ne ọ Maan Ọghe Jọn 9:39

Jesu khama rẹn wẹẹ, “Rhunmwuda ibuohiẹn, ọre I na gha die agbọn na. Ne iran ni rhu aro sẹtin gha bẹghe, kevbe ne iran ni bẹghe khian eni rhu aro.”

Ebe ne Pọl gbẹẹn gie emwa Rom 10:3

Rhunmwuda iran ma rẹn vbene Osanobua ya dọlọ ọmwa kugbe be egbe ẹre hẹ, iran keghi rhunmwuda ọnii gha bẹlẹ odẹ ọghe egbe iran, rhunmwuda ọnii, iran ma ghi ye obọ ye Osanobua re vbekpa ọghe vbene ọ ho ne ọ ya dọlọ iran kugbe ba egbe irẹn hẹẹ.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.