Aizaia 5:8 - Edo Bible (E Baibol Ẹdo) Version 1996

⁸ Ọghe uwa fo nẹ! Wa gha dẹlẹ owa ọvbehe kevbe ugbo ọvbehe, ne uwa viọ ba ne uwa ka mwẹ. Ẹ i ghi rre gbe ban, emwa ọvbehe i ghi miẹn ehe dia, wa ọkpa ọ re ọ ghi ra gha rre otọe nii.

Aizaia 5:8 ပူးပေါင်းရင်းမြစ်များ

Job 15:28

“Ọnii ọ re ọmwa ne ọ khọn ẹvbo ni bun muotọ, ọ na viọ avbe owa ne avbe ena rẹn lẹ sẹrae.

Job 20:21

Ọ gha rri evbare, ẹ i vbe kẹrre, banbanna nian, ẹfe ẹre sẹ ufomwẹ nẹ.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Ezikiẹl 11:15

“Ovbi ọmwa, emwa ni rre Jerusalẹm gha ta ẹmwẹ ruẹn kevbe ọghe avbe ivbi Izrẹl ne ihua ni rre iwe. Iran wẹẹ, ‘Ehe ne iran ni rre iwe ye rrei gbe ne iran gha na sẹtin ga e Nọyaẹnmwa. Rẹn ya otọe na ghae ukhu ne ima nẹ.’

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Habakọk 2:6

Emwa ne a khọn miẹn ẹre otọ gha zan iran, iran ghi vbe gha mu ohu iran. Iran ghi kha wẹẹ: “Wa viọ emwi ne ẹ i re ọghe uwa, sokpan, ọghe uwa fo! Vbe ọ gha kpee sẹhẹ, ne uwa gha khiẹn iran ni rri uwa osa obọ wẹ ne iran ha osa, ne uwa ya si ẹfe koko ne egbe uwa!”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [