Aizaia 5:30 - Edo Bible (E Baibol Ẹdo) Version 1996

³⁰ Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 5:30 ပူးပေါင်းရင်းမြစ်များ

Asan-Ibo 12:2

Ẹghẹ nii ọ re uwanmwẹ owẹn kevbe uki kevbe orhọnmwẹ, gha na ye vbirrivbirri vbe aro ruẹ, amẹ ne ọ bii i ghi vbe mwẹ ẹghẹ ne ọ ya we yo.

Aizaia 13:10

Dọmwadẹ orhọnmwẹ, kevbe avbe orhọnmwẹ ni mama kugbe, erhọkpa ne ọ ghi ra gha baa irrọọ, ovẹn gha yanrre, ọ ghi so ebiebi, uki i ghi ra vbe baa.

Aizaia 13:4

Wa danmwehọ owogho ne ọ rre uhunmwu oke, owogho emwa ni wa bun ẹsẹse, owogho agbọn ẹvbo kevbe otọe arriọba ni sii egbe koko. E Nọyaẹnmwa ọghe Ivbiyokuo gha mu ivbiyokuo ẹre egbe yotọ khẹ okuo.

Aizaia 17:12

Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 59:9

Emwa nii khare wẹẹ, “Banbanna nian, ma rẹn emwi ne ọ sii ẹe ne Nọyaẹnmwa ma na miẹn ima fan vbe obọ emwa ni wọ ima uhunmwu. Ma rhie aro ye uwanmwẹ ne ima gha na gha khian, sokpan, ebiebi ọkpa ọ re ọ rrọọ,

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 30:5

“I họn utumwẹ afianma, utumwẹ ohan ne ẹ i vbe re ọghe ọfumwegbe.

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Eve Orriara 3:2

Ọ suaa mwẹ la uwu ebiebi, ọ keghi dọlegbe suaa mwẹ la uwu ẹre.

Ezikiẹl 26:3

“Banbanna, vbene imẹ ne Nọyaẹnmwa ne Udazi khare ọ re ọna khin wẹẹ: Oghian an ọ re I khin, wẹ ne ore ẹvbo e Taia. I gha viọ uhunmwu ẹvbo nibun rre ne iran do guẹ gbinna iran gha rre zẹ vbe amẹ okun ne ọ khọn yo khọn rre.

Joẹl 2:10

Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Emọs 5:18

U miẹn vbe ọ gha ba so uwa hẹ wa ni rhie aro ye odẹ gha khẹ ẹdẹ e Nọyaẹnmwa. De emwi ne uwa ro ighe wa gha miẹn vbọ yi? Ẹdẹ ne ọ so ebiebi khian gha nọ ne uwa, ighe ẹ i re ẹdẹ uwanmwẹ.

Emọs 8:9

Ẹghẹ dee ne I gha na ru ẹe ne owẹn defua vbe ogiavan, otọ agbọn ghi so ebiebi vbe ogiavan ogioghogho. Mẹ ne Nọyaẹnmwa ne Udazi ọre ọ taa ẹe. I gha ya emwiukpo ne uwa ru khian irorinmwi, I ghi fi ihuan ọyẹnmwẹ ne uwa so werriẹ khian ugomwẹ akhiẹ.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.