Aizaia 5:28 - Edo Bible (E Baibol Ẹdo) Version 1996

²⁸ Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Aizaia 5:28 ပူးပေါင်းရင်းမြစ်များ

Psalm 120:4

Ifẹnmwẹ ne ọ mu, ọghe ovbiyokuo nọ, erhẹn ne ọ yan kpoo nọ.

Psalm 45:5

Ifẹnmwẹ ruẹn wa mu, iran ha ẹkoko udu eghian ruẹn gberra avbe agbọn ẹvbo ghigha dele ye owẹ ruẹ.

Aizaia 13:18

Iran gha ya uhanbọ kevbe ifẹnmwẹ gbele avbe igbama, iran i ra vbe tohan avbe emobọ ra ibiẹka.

Aizaia 21:1

Uhunmwu ne ọ gie rre vbekpa e Babilọn ọ re ọna khin. Ọkhọ gha ke ẹvbo ne ọ ye afianma fian ọmwa guọnmwẹ rre, zẹ vbe ẹhoho ẹziza ne ọ la ato gberra.

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 47:3

Iran gha họn ukpukpẹ owẹ avbe ẹsin, e khuanghankhuanghan ọghe ikẹkẹ okuo, kevbe okhirhikhirhi owẹ ikẹkẹ, erha emọ i ra werriegbe ya viọ ivbi iran, obọ iran gha wu ginna iran egbe.

Jerimaia 5:16

Emwa ni fi uhanbọ iran kegha re emwa ni wegbe ne ẹ i mwẹ itohan vbe iran a gha gbele emwa.

Ezikiẹl 26:11

Iran ni hin ẹsin gha vẹ la ore ẹvbo ruẹ, iran ghi gha ya umozo gbele emwa ruẹn. Avbe orre ruẹ ni kọnkọn hia gha khian ne a guọghọ kua.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Daniẹl 11:40

“Ẹghẹ ne a rhie ne ọba e Siria ghẹ ghi gba zẹẹ, ọba Igipt ghi mu okuo gie ẹe, ọba e Siria ghi vbe ya ẹtin ẹnrẹn hia gu ẹe gbinna, ọ ghi lo avbe ikẹkẹ okuo, avbe ẹsin kevbe avbe okọ. Ọ gha mu igbinna yo agbọn ẹvbo nibun, zẹ vbene uromwẹ ẹzẹ ru.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Nahum 3:2

Gha họn vbene asan tu hẹ, owogho owẹ imọto, igiawẹ ẹsin ni vbọlọ ghe ukhunmwu edobidokpannọ ọghe ikẹkẹ okuo!

Giọgis 5:22

Avbe ẹsin kegha gbe ọguọguọ khian, iran na gha solo ibata iran ye otọ.”