Aizaia 5:27 - Edo Bible (E Baibol Ẹdo) Version 1996

²⁷ Ọkpa ne egbe wọre i rre uwu iran, okpa ne ọ vbe rrua owẹ irrọọ. Iran i mumu, iran i vbiẹ, ukugba iran i vbe kuọghọ, irri ibata okpa i vbe fian.

Aizaia 5:27 ပူးပေါင်းရင်းမြစ်များ

I Ọba 2:5

“Emwi ọvbehe ye vbe rrọọ. U yerre emwi ne Joab ru mwẹ re ne ọ na gbele avbe ọkaokuo Izrẹl eva, Abna ne ovbi e Niẹ kevbe Amasa ne ovbi e Jeta. U yerre wẹ ẹ i re te a khọn okuo vbe ọ gbele iran an ba ẹmwẹ emwa ne iran gbele vbe ẹghẹ okuo. U miẹn nian, ọ gbele emwa ni ma ru khọ nẹ, a keghi ka ẹe ye ime urhu, mẹ ọ ghi ye uhunmwu tọn emwi ne ọ ke ẹre ikian mu.

Job 12:18

Ọ gha silo avbe ọba hin ẹkete iran rre, Ọ ghi ya iran khian eviẹn.

Job 12:21

Ọ fa iran ni rre ukpo ẹtin uan, ọ kevbe dobọ ẹtin iran ni dakha yi.

Psalm 18:32

Rẹn ọrọre Osanobua ne ọ ya mwẹ wegbe ne ọ viọ ẹbe hin urodẹ mwẹ rre.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Itan 3:23

U gha sẹtin lele odẹ ruẹ gha khian, vbene u i na vbe rrua owẹ.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Aizaia 45:5

“Mẹ ọrọre Nọyaẹnmwa, osa ọvbehe irrọọ. I gha rhie ẹtin ne ọ khẹ kuẹ nuẹn, a gha rhe miẹn wẹ, u ma rẹn mwẹ.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.