Aizaia 5:26 - Edo Bible (E Baibol Ẹdo) Version 1996

²⁶ E Nọyaẹnmwa ru iyama nẹ wẹ ne a tie uhunmwu ẹvbo okpa ne ọ rre urria rre. Ọ fi ewọe gie iran wẹ ne iran ke ehe ne agbọn sẹe gha dee. Ghe vbe iran zẹgiẹgiẹ ya ululẹ dee.

Aizaia 5:26 ပူးပေါင်းရင်းမြစ်များ

Psalm 60:4

U bu iran ni ye ọghọ ne uẹn ude ne iran miẹn ehe na fe vbe obọ a bu ohiẹn gbe ọmwa.

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 13:2

Tọn afiala okuo nii mu vbe uhunmwu oke ne ọ dihoi rua nii. Da tie avbe ivbiyokuo nii ne u vbe tọn obọ ruẹ mu da iran zẹ vbe igiemwi wẹ ne iran dekun onurho ẹvbo ne ọ tengbemu nii.

Aizaia 13:3

E Nọyaẹnmwa tie avbe ivbiyokuo ẹre ni hio ke ni vbe din nii ladian ne iran do khọn okuo nọhuanrẹn, ne iran vbe rri iran ne ohu ẹre mu oya.

Aizaia 13:4

Wa danmwehọ owogho ne ọ rre uhunmwu oke, owogho emwa ni wa bun ẹsẹse, owogho agbọn ẹvbo kevbe otọe arriọba ni sii egbe koko. E Nọyaẹnmwa ọghe Ivbiyokuo gha mu ivbiyokuo ẹre egbe yotọ khẹ okuo.

Aizaia 13:5

Ẹvbo ne ọ rrei ẹsẹse vbe odẹ ehe ne agbọn sẹe ọ re iran ke dee. Vbe uwu ohu ẹre, e Nọyaẹnmwa dee do duẹ ẹvbo nii hia a.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Aizaia 31:9

Ọgbaisi iran gha ya ohan lẹ fua. Ohan gha vbe mu avbe ọkaokuo iran sẹrriọ wẹ iran gha lẹ sẹ afiala okuo iran rae ye okuo.” E Nọyaẹnmwa guan nẹ. E Nọyaẹnmwa ne a ga vbe Jerusalẹm kevbe ne erhẹn ne a ya zọ ese ne ẹẹn, baa vbe evba.

Aizaia 39:3

Ẹre Aizaia ne akhasẹ na bu e Hẹzekaia gha khian, ọ nọ rẹn wẹẹ, “De ehe ne avbe emwa na ke rre yi, vbe iran tama ruẹn hẹ?” E Hẹzekaia keghi wanniẹn wẹẹ, “Ehe ne ọ rrei ọ re iran ke rre, e Babilọn.”

Aizaia 7:18

“Ọ gha sẹ ẹghẹ nii, e Nọyaẹnmwa gha fi ewọe zẹ vbe ama ya tie ivbi Igipt, ne iran ke ehe ne ọ ghi rrei sẹ vbe abọ e Naẹl gha dee zẹ vbe ikian, kevbe ne ivbi Asiria vbe ke otọe iran gha dee zẹ vbe owọn.

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 51:27

“Wa ta ẹe ne iran suẹn igbinna! Wa kpe okpe nii ne avbe agbọn ẹvbo hia miẹn ehe na họn. Wa mu avbe uhunmwu ẹvbo hia egbe yotọ khẹ okuo ne iran gu e Babilọn gbinna. Wa tama avbe otọe arriọba Ararat, e Mini kevbe Askẹnaz ne iran dekun ẹnrẹn. Gie ọkaokuo ne ọ ke odaro igbinna nii. Viọ avbe ẹsin rre zẹ vbe oibirri irhiso.

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Ezikiẹl 38:17

Wẹ ọrọre ọmwa ne I gha kha ẹkporriọ, ẹghẹ ne I na wẹ ne avbe akhasẹ Izrẹl ne eguọmwadia mwẹ tae ladian wẹ ẹdẹ dee ne I gha gie ọmwa ọkpa rre ne ọ do khọn Izrẹl.” E Nọyaẹnmwa ne Udazi ọ re ọ tae.

Joẹl 2:7

Te iran dekun emwa zẹ vbe iyokuo, iran ghi gha mu ekẹn hin zẹ vbe ivbiyokuo. Iran ghi gha yẹn owẹ ghe odaro, iran i vbe biegbe ghe ihe ọvbehe,

Habakọk 1:8

“Okhian kẹ avbe ẹsin iran sẹ atalakpa, iran vbe mu ohan sẹ avbe oduma ne ohanmwẹ gbe. Emwa ni hin ẹsin ọghe iran, ehe ne ọ rrei ọre iran kegha hin ẹsin gha dee, ẹsin ya owẹ guọghọ otọe hia. Iran ghi vin rre zẹ vbe oghohọn ne ọ ra gbe emwi.

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.