Aizaia 5:24 - Edo Bible (E Baibol Ẹdo) Version 1996

²⁴ Rhunmwuda ọnii nian, vbene irunmwu kevbe ebe ne ọ kakae kinkin rre, ọ ghi vbe giẹn uan vbe erhẹn, erriọ ọ re inian uwa gha kẹkẹ ua, ebe uwa ghi vbe kaka a, ọ ghi hoho kua, rhunmwuda, wa he emwi ne Nọyaẹnmwa ne Oghodua, Osanobua nọhuanrẹn ọghe Izrẹl ma ima ẹre yotọ.

Aizaia 5:24 ပူးပေါင်းရင်းမြစ်များ

II Ọba 19:22

De ọmwa ne uwẹ ro ighẹ u kpa unu ghe usin ne u na vbe ya ẹe gbe ogie yi? U ma ya ọghọ mẹ, mẹ ne Osanobua ne ọ huanrẹn ọghe Izrẹl.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Job 18:16

Inian kevbe abọ ẹre luẹluẹe, ọ vbe kaka a.

Job 8:17

Inian iran ghi kinnọ lẹga okuta, ọ ghi sikan mu avbe okuta nekhua.

Psalm 50:17

Wa wẹ wa i kue ne I dia uwa, wa he iyi mwẹ ye otọ.

Ẹksọdọs 15:7

Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Ẹksọdọs 5:12

Rhunmwuda ọnii, emwa nii na ragha gba otọ Igipt hia ya gha gualọ irunmwu.

Aizaia 1:31

Zẹ vbene ogiọnmwẹ erhẹn kherhe sẹtin mu erhẹn ye irunmwu ne ọ kae, erriọ emwa dan ne emwa ẹtin ra ya fuẹn iran an, ọmwa ne ọ gha sẹtin dobọ ọfuan nii yi ẹ i rrọọ.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 24:6

Rhunmwuda ọnii, Osanobua fi agbọn unu nẹ. Emwi ne emwa iran ru, ọ re iran ha osa ẹre na. Te iran ni ghi dekẹe ghi kanmwa yọ kanmwa yọ.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 30:12

Sokpan, vbenian ọ re Osanobua nọhuanrẹn ọghe Izrẹl khare, “Wa fi iyeke gbe ẹmwẹ ne I tama uwa, wa na mu ẹtin yan ọkhọ kevbe erẹrẹ ọghe uwa.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 47:14

“Te iran ra gha yevbe iku irunmwu ni bunnọẹn erhẹn ghi giẹn ehia a! Iran i ra kue sẹtin miẹn egbe iran fan erhẹn ni gha yọn ne iran gbe, ẹ i re erhẹn kherhe ne a ghae.

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Aizaia 8:6

Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,

Aizaia 9:18

Uyinmwẹ dan emwa nii gha to vbe erhẹn ne ọ giẹn ẹti oha igban, ọ gha giẹn vbe erhẹn ẹgbo ne ọ zẹ okpighogho ghe odukhunmwu.

Aizaia 9:19

Rhunmwuda ne ohu na mu e Nọyaẹnmwa ne Oghodua, ikhi ne ọ rria emwa re gha to vbe erhẹn vbe otọe nii hia, ọ kevbe gha fuẹn emwi nii hia a, ọ keghi do khian ne dọmwadẹ ọghọe ghi na sinmwi uhunmwu ẹnrẹn.

Jerimaia 6:19

Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Jerimaia 8:9

A ye ekhue mu avbe umẹwaẹn uwa, ehia tighi ye iran aro, obọ vba iran. Iran hee ẹmwẹ mwẹ yotọ nẹ, de ẹwaẹn ne iran ghi mwẹ nian?

Ezikiẹl 15:6

Banbanna nian, vbenian ọ re Nọyaẹnmwa ne Udazi khare, “Zẹ vbene a mu azara ke oha rre, a ghi gien ọnrẹn uan, erriọ I ra viọ emwa ni rre Jerusalẹm.

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Hozia 5:12

I gha gie ọkhọ rruan Izrẹl kevbe ọfuan vbe egbe ivbi e Juda.

Hozia 9:16

Ivbi Izrẹl ye vbe erhan ne inian rẹn kakaa nẹ, ne ẹ i ghi vbe sẹtin mọ. Iran i ra vbe mwẹ emọ sokpan, adeghẹ iran kue vbe miẹn biẹlẹ yi, te I ra gbele iran, nene emọ ne iran kakabọ ho ẹmwẹ ọnrẹn.”

Joẹl 2:5

Iran gha vbọ vbe uhunmwu oke, a ghi gha họn igiawẹ iran zẹ vbe ikẹkẹ okuo, iran ghi gha salọ vbe irunmwu ne ọ kae vbe erhẹn. Iran tẹnrẹn zẹ vbe ivbiyokuo nọkhua ne ọ muegbe okuo.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Iyẹn ne ọ Maan Ọghe Luk 3:17

Ọ rhie ahẹn ne ọ ra ya khan emwiokọ ẹre mwẹ obọ, ọ gha viọ ọka ni rrọọ la aza, ọ ghi ye erhẹn ne ẹ i dọyọ giẹ ihunhun ni rrọọ.”

Iyẹn ne ọ Maan Ọghe Luk 7:30

Sokpan avbe Farisi kevbe iran ni ma emwa Uhi ma ye obọ ye emwamwa ne Osanobua ru vbekpa iran, iran ma gie Jọn samẹ ne iran.

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

Diuteronomi 28:24

Ne amẹ gha na te gha rhọ, e Nọyaẹnmwa gha tie ẹhoho ebubẹ ke ọghe ekhae yan uwa, wa te do khian emwa ni fuan.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 15:26

E Samuẹl keghi wanniẹn wẹẹ, “I i lele uẹ werriegbe rrie evba, u he iyi e Nọyaẹnmwa, rẹn vbe he uwẹ nẹ zẹ vbe ọba ivbi Izrẹl.”