Aizaia 5:21 - Edo Bible (E Baibol Ẹdo) Version 1996

²¹ Ọghe uwa fo nẹ! Wa ro ighe uwa wan, ighe uwa guẹ emwi gbe.

Aizaia 5:21 ပူးပေါင်းရင်းမြစ်များ

Job 11:12

Ẹghẹ ne a gha na biẹ ede zẹ vbe aranmwẹ owa ọ re emwa ni kọn de ẹwe ua, gha na suẹn gha wan.

Itan 26:12

Ọzuọ ne ọ ghi wa kọn sẹ vbe ehia, ọ maa sẹ ọmwa ne ọ ro wẹ rẹn wan vbe ne ẹ i na wan hiehiere.

Itan 26:16

Ọmwa oroho ghi gha roro egbe ẹre ye wẹ rẹn ru okpia sẹẹ arhin ihinrọn nọ gha wa sẹtin rhan otọ ẹre, ne ọ wẹ aro ua, emwi ne ọ siẹe ne iran na roro ẹmwẹ okpa lele vbene iran roro ẹe la.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Aizaia 10:13

Ọgbaisi Asiria gha rhuọ, ọ wẹẹ, “Ekuabọ mwẹ ọ re I ya ru ehia, I wegbe, I waan, I vbe rẹn emwi. Mẹ ọ re ọ khiẹn uwu ne ọ rre ẹkpo uhunmwu ẹvbo hin rre, I ghi ya viọ evbare ne iran te ya gbakhua hinrre. I keghi ya igiawẹ gbele emwa ni rre evba vbene ekhuia ẹmila ru.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Aizaia 40:23

Ọ ya iran ni wegbe nikhaemwisẹ uhe sotọ ọ na ya iran khian ekẹkan fẹẹrẹ.

Aizaia 47:10

“Te u wa gha ya obọ so udu ye iba ne u zẹ u na gha ro wẹ ọmwa ne ọ bẹghe ruẹ i rrọọ. Ẹwaẹn kevbe irẹnmwi ruẹn keghi ya a bibi odẹ u keghi tama egbe ruẹ wẹẹ, ‘Mẹ ọrọre Osanobua ọmwa ne ọ yevbe mwẹ i rrọọ.’

Iyẹn ne ọ Maan Ọghe Jọn 9:41

Jesu wanniẹn wẹẹ, “Akpawẹ te uwa rhu aro, wa ghẹ rria abe hiehie re, sokpan rhunmwuda ighẹ wa khare wẹẹ, ‘Ma bẹghe!’ irriabe nọkhua ọre uwa mwẹ.”

Ebe ne Pọl gbẹẹn gie emwa Rom 1:22

Iran khare ighẹ iran waan, sokpan akpa iran wa khin.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.