Aizaia 5:2 - Edo Bible (E Baibol Ẹdo) Version 1996

² Ọ keghi vulo otọe nii, ọ na rhọ avbe okuta ni rrọọ hin, ọ keghi kọ azara ne ọ maa sẹẹ yọ, ọ keghi bọ owa ọkhẹ yọ ne a na gha khẹ ọre. Ọ keghi fian okọ ne a gha na gha minọẹn yọ, ọ keghi gha khẹ ne avbe ọmọ azara ni vbo, sokpan, ehia keghi wa kaan.

Aizaia 5:2 ပူးပေါင်းရင်းမြစ်များ

II Samuẹl 7:10

I gha hannọ ihe ọkpa ne Izrẹl ne emwa mwẹ, I ghi gbe iran ẹkun sotọ vbe evba, ehe ne iran gha ye, ne a i ghi ra na kpokpo iran ọvbehe. Ke ne iran ya sẹ otọ na gha dee, emwa dan ne piankhanrhan ni bun ọ re ọ he gu iran gbinna, sokpan, ọna i ghi ra dọlegbe sunu ọvbehe. I yan rẹn i ghẹ I gha degue ruẹ hin obọ eghian uwa hia rre, kevbe wẹ, u gha mwẹ uniẹn ruẹn.

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

Aizaia 1:8

E Jerusalẹm okpa ne ọ ghi kẹe, ẹvbo ne okuo gha gae nọ, ọ kegha re ne ẹ i mwẹ emwi ne ọ degue ẹre, zẹ vbene irhu abodẹ ne ọ rre uwu ogba azara ye, ra irhu ne ọ rre ugbo ẹyẹn.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Jerimaia 11:17

“Mẹ ne Nọyaẹnmwa ne Oghodua ọ re ọ kọ Izrẹl kevbe Juda, sokpan, banbanna nian te I ghi ya ọkhọ yan ma iran, iran ọ re ọ ye obọ iran si ọna ye egbe iran egbe, rhunmwuda, iran ba emwi ku ru, iran ye ohu mu mwẹ, vbekpa ne iran na gha zọ ese ghe Baal.”

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Maika 4:8

Kevbe uwẹ ne Jerusalẹm ehe ne Osanobua ke rhie aro lele avbe emwa rẹn, zẹ vbene ọsuohuan ke owa ọkhẹ ne ọ yo rhie aro lele avbe ohuan rẹn, u gha dọlegbe khian igiogbẹ ẹvbo ne ọ te kagha re ọwuẹ yi.

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 21:33

Jesu keghi khama iran wẹẹ, “Wa vbe danmwehọ itan ọvbehe: okpia ọkpa rrọọ ne ọ mwẹ otọ, ọ keghi mu ẹre ugbo emwiokọ, ọ gba ogba ga ẹre, ọ keghi vbe fian okọ ne a na ru ẹdin yọọ, ọ keghi vbe bọọ owa ọbodẹ ne ọ yo yọọ, ọ keghi mu uẹn ne emwa vbe agbeghae, ọ na gha rrie ehe.

Matiu 21:34

Ọ ghi sẹ ẹghẹ ne a ya rhọ emwiorhọ, ọ keghi gie ọkpa vbe uwu eviẹn ọnrẹn ne ọ ya miẹn iran oghae ne ọse irẹn egbe vbọ viọ rre.

Iyẹn ne ọ Maan Ọghe Mak 11:13

Ọ keghi ya bẹghe erhan ohọ ọkpa ne ọ wa họn ebe ẹsẹse vbe urria. Rẹn keghi sikẹ ọre a deghẹ ọ gha miẹn ọmọ vbe uhunmwu ẹnrẹn, sokpan ugbẹn vbe ọ sẹ evba, ebe ọkpa ọre ọ miẹn vbọ rhunmwuda, ọ ma he sẹ ẹghẹ ohọ.

Iyẹn ne ọ Maan Ọghe Mak 12:1

Jesu keghi suẹn gha ya itan gu iran guan, ọ wẹẹ, “Okpia ọkpa keghi do mu ugbo emwiokọ, ọ gba ogba lẹga ẹre, ọ keghi fian okọ ne a na ru ẹdin yọ, ọ keghi vbe bọ owa ọbodẹ yọ. Ọ Keghi mu ne emwa eso gha gbe aro ghe ẹre vbe agbeghae, rẹn keghi kpao gha rrie ehe.

Iyẹn ne ọ Maan Ọghe Mak 12:2

Ugbẹn vbe ọ ghi sẹ ẹghẹ ne a ya rhọ emwiokọ nii, rẹn keghi gie ọviẹn ọnrẹn bu avbe emwa ni gbe aro ghe ugbo nii, ne iran ya miẹn iran emwi ne ọ sẹ irẹn egbe vbọ viọ gie irẹn.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

I Kọrinti 9:7

Wa he vbe họn ovbiyokuo ne ọ ya igho obọ ẹre ha osa ne egbe ẹre vbe ọ gbinna vbe okuo? Ra ọgbugbo ne ẹ i re vbe emwiokọ ne ugbo ẹre? Ra ọsuohuan ne ẹ i rri ewẹn ne a mi vbe ohuan irẹn?

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.

Giọgis 16:4

Vbe iyeke, ọnọna, e Samsin keghi rhie obọ ye ẹmwẹ okhuo ọkpa vbe Iya Sorẹk, a keghi tie okhuo ni Delila.