Aizaia 5:19 - Edo Bible (E Baibol Ẹdo) Version 1996

¹⁹ Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Aizaia 5:19 ပူးပေါင်းရင်းမြစ်များ

Aizaia 30:11

Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Jerimaia 17:15

Avbe emwa ni tama mwẹ wẹẹ, “Eyan ne Nọyaẹnmwa gha yan gie ima nii hia vboo yi, wẹ ne ọ mu ẹẹn sẹ nian!”

Jerimaia 23:18

I khare wẹẹ, “Ọkpa vbe uwu avbe akhasẹ na ne ọ he rẹn iro ẹkhokho ekhọe Nọyaẹnmwa i rrọọ, ọkpa ne ọ he họn uhunmwu ne ọ gie ra emwi ne ọ yae kha i rrọọ, ne ọ vbe danmwehọ ra ne ọ zẹye ẹmwẹ ne ọ he ta i rrọọ.

Jerimaia 23:36

Rhunmwuda ọnii, ọ ma kei ne iran ye gha lo ẹmwẹ na wẹẹ, ‘ihẹ e Nọyaẹnmwa,’ rhunmwuda, ọmwaikọmwa ne ọ ye danmwẹ ọẹn, I gha gele gie ẹmwẹ mwẹ khian ẹre ihẹ. Avbe emwa na fi ẹmwẹ Osanobua iran werriẹ, Osanobua ne ọ rrọọ, e Nọyaẹnmwa ne Oghodua.

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Ezikiẹl 12:22

“Ovbi ọmwa, vbọzẹ ne ivbi Izrẹl na kpa itan na yi wẹẹ, ‘Ẹghẹ gberra, emwi ne a taa yotọ ma sunu.’

Ezikiẹl 12:27

“Ovbi ọmwa, te avbe ivbi Izrẹl ro ighe umian ne u miẹn kevbe ẹmwẹ akhasẹ ne u ta, ọ ghe; ẹghẹ ne ọ kpẹre ne ọ dee ọre nọ.

Hozia 10:3

Avbe emwa na gha rherhe suẹn gha kha wẹẹ, “Ma i mwẹ ọba rhunmwuda, ma ma mu ohan e Nọyaẹnmwa. Sokpan, demwi ne ọba ra te miẹn ru ne ima yi amawẹ.”

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”