Aizaia 5:18 - Edo Bible (E Baibol Ẹdo) Version 1996

¹⁸ Ọghe uwa fo nẹ! Wa ma sẹtin zobọ vbe orukhọ ne uwa ru.

Aizaia 5:18 ပူးပေါင်းရင်းမြစ်များ

Psalm 10:11

Ọmwa dan ghi tama egbe ẹre wẹẹ, “Osanobua i zẹ yọ! Ọ mimi aro ẹre nẹ, ẹi bẹghe mwẹ!”

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Itan 4:17

Uyinmwẹ dan kevbe ọkhọ, te iran ye vbe evbare kevbe amẹ ne iran.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Ezikiẹl 13:22

Wa wa ya ohoghe ne uwa tae gbin emwa esi ẹtin, avbe emwa ne imẹ i ho ni ru ẹre emwi rhọkpa. Wa i gie emwa dan zobọ vbe emwi dan ne iran ru, ne iran rhie uhunmwu iran ke ẹbe ladian.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 26:9

“Mẹ tobọ mwẹ kegha ro wẹ, ọ kere ne I ru emwi hia ne ẹtin mwẹ gha sẹ ya gu Jesu ne ovbi Nazarẹt gha khọn.

Giọgis 17:13

E Maika keghi kha wẹẹ, “Banbanna nian, I rẹnrẹn wẹ e Nọyaẹnmwa gha gie agbọn ma mwẹ vbene I ghi na mwẹ ohẹn ne ọ re e Livai na.”

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.