Aizaia 5:17 - Edo Bible (E Baibol Ẹdo) Version 1996

¹⁷ Avbe ivbi ohuan gha rri irunmwu, avbe ivbi ẹwe ghi vbe gha rria vbe itowa ni rre ẹvbo ni.

Aizaia 5:17 ပူးပေါင်းရင်းမြစ်များ

Nehimaia 9:37

Emwi ne otọe mọ ladian, obọ avbe ọba ọ re ọ yo iran na uwẹ viọ yan ima rhunmwuda ne ima na rukhọ, iran ghi gha ru ima kevbe emwirri mwa, vbene ọ rhirhi a khọn iran. Uwu akhiẹ nọkhua ma ghi ye.”

Psalm 119:70

Avbe emwa na i mwẹ irẹnmwi, sokpan, ọyẹnmwẹ uhi ruẹ sẹ mwẹ.

Psalm 17:10

iran i mwẹ itohan, iran wa vbe rhuọ.

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Psalm 73:7

Ekhọe iran ghi gha hihiẹ ọkhọ ladian, ekhọe iran ghi gha zẹ iro emwi dan.

Aizaia 1:7

Iran rẹnkhẹn ẹvbo uwa a, a vbe giẹẹn avbe okpẹvbo uwa sotọ. Vbe sirra uwa avbe orhunmwuyẹn mu uwa otọ, iran keghi vbe rhia emwi hia a.

Aizaia 10:16

E Nọyaẹnmwa ne Oghodua ra gie emianmwẹ ya rri iran oya ighe avbe emwa ni miẹn evbare re ẹsẹse nian. Erhẹn ne ọ yọn kpoo gha rre iran uwu egbe.

Aizaia 17:2

Emwa gha lẹkua hin avbe okpẹvbo e Siria rre ẹdẹdẹmwẹdẹ. Iran gha khian ehe ne ohuan kevbe ẹmila na rria, ọmwa ne ọ gha vbe khulo iran hin evba rre i rrọọ.

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Aizaia 7:25

Avbe oke ne a te ka kọ emwiokọ yi, igban gha sọn rhu ẹe sẹrriọ wẹ a i ghi miẹn ọmwa ne ọ gha yo evba. Ọ ghi do khian ehe ne ẹmila kevbe ohuan na rria.”

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Eve Orriara 5:2

Ẹrrẹe ọ re ọ ghi ya ima emwi ru; erhunmwuyẹn ọ re ọ ghi rre owa mwa.

Hozia 4:16

Te ivbi Izrẹl wa zevbudu zẹ vbe avbe ekhuia. Vbe imẹ a ghi ra na gha koko iran vbe uwu irhu hẹ zẹ vbe ivbi ohuan?

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

Maika 2:12

“Sokpan, mẹ gha si uwa koko, wa ne ivbi Izrẹl ni ghi kẹe. I gha viọ uwa kugbe zẹ vbe ohuan ne ọsuohuan viọ di owa ohuan. Zẹ vbe otọe ne aranmwẹ na rri irunmwu, ne ọ vuọn ne ohuan, emwa gha dọlegbe vuọn otọe uwa.”

Zẹfanaia 2:14

Ọ gha do khian ehe ne avbe oghẹn ohuan, oghẹn ẹmila kevbe avbe aranmwẹ ughughan hia gha na gha lovbiẹ. Esughusughu gha di itowa ẹre ya, iran ghi gha tu la avbe ewindo ẹre ladian. Ẹrekhue ghi gha tu vbe onurho. A gha bannọ erhan isida ni rre owa ẹre hin rre.

Zẹfanaia 2:6

Otọe uwa ni rre eghute gha khian oha kẹkan ne avbe ọsuohuan bọlọ eko yi kevbe ehe ne a viọ ohuan yi.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.