Aizaia 5:14 - Edo Bible (E Baibol Ẹdo) Version 1996

¹⁴ Ohanmwẹ iran wa gbe ẹvbo avbe iran ne orinmwi, ọ vbe rhan unu yotọ khẹ iran gbodoo. Ọ minọ emwa nekhua ni rre Jerusalẹm re deba avbe emwa kẹkan ni gbe izabọbọ bi lele iran khian.

Aizaia 5:14 ပူးပေါင်းရင်းမြစ်များ

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Psalm 55:15

Te avbe eghian mwẹ gha fian wu; te iran gha ye owẹ khian la ẹvbo emwa ni wulo nẹ. Ọkhọ rre owa iran kevbe ekhọe iran.

Itan 1:12

Iran sẹtin gha rre agbọn, egbe ghi vbe rran iran vbe ima a miẹn iran, sokpan, ma ghẹ ghi gu iran do ẹe fo nẹ, iran ghi gha re orinmwi.

Itan 27:20

Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.

Itan 30:16

Emwi ẹnẹ ne ẹko i vuọn ọ re ọ rrọ, ẹvbo avbe orinmwi, okhuo ne ẹ i mwẹ emọ, otọe ne ọ kae ne amẹ ma he rhọ yi, kevbe erhẹn ne obọ ma ghi gba ya dọyọ.

Aizaia 14:11

Akpata ne a kpee ọ re a te ya mu ọghọ ye uwẹ egbe, sokpan, banbanna nian, ghe ruẹ vbe ẹvbo iran ni wulo nẹ. Ukpo ne a vbiẹ ọghe ọkhọe ọ re u lovbiẹ yi na, a keghi vbe ya igbu ukpọn ọghe ọkhọe hiin ruẹn egbe.’

Aizaia 14:9

“Agbọn avbe emwa ni wulo nẹ, wa mu egbe ne iran ya gbe ọbokhian ne ọba e Babilọn. Orhiọn avbe emwa ni gha mwẹ ẹtin vbe agbọn, gha khian yo khian rre. Orhiọn avbe ọba gha guakpao vbe ẹkete iran.

Aizaia 21:4

Aro wa lẹga mwẹ, te I ghi guọ zẹzẹzẹ rhunmwuda ohan. Te I ghi khẹ wẹ ne ẹdẹ mu sokpan, ọnii ma vbe rhie emwi rhọkpa gunmwuẹ gberra ohan.

Aizaia 24:8

Ema kevbe akpata ni rhiẹnrhiẹn ne iran te kpee hia dobọyi.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Ezikiẹl 7:12

Ẹghẹ wa dee. Ẹghẹ nii sotọ fo, ne a gha na miẹn wẹ ne a gha dẹ emwi, ra ne a gha khiẹn i ghi mwẹ esa, rhunmwuda, Osanobua ra ye abọ okpa nii rria emwa hia ikhi.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Habakọk 2:5

Emwi ne ọ rẹrẹ ọmwa ọ re ẹfe khin. Emwa ne ẹho tọlọ, te iran tọn egbe mu, ekhọe iran i vbe sẹ otọ, zẹ vbene uwu tobọ ẹre ye, ne ẹko i na vuọn ẹẹn, erriọ, ẹko i vbe vuọn iran. Ọnii ọ si ẹe ne iran na khọn ẹvbo yan ẹvbo mu ne egbe iran.

Matiu 7:13

“Wa la onurho ne wẹnrẹn la owa, rhunmwuda, te onurho ẹrinmwi erhẹn ye gbodoo, odẹ ne a la sọe vbe rriẹ, emwa ni lae wa vbe bun.

Iyẹn ne ọ Maan Ọghe Luk 17:27

Emwa kegha re, iran na gha da, iran na gha rọnmwẹ egbe rhinrin ya sẹ ẹdẹ ne Noa la okọ. Uromwẹ amẹ keghi rre, ọ na fuẹn iran hia ua.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.