Aizaia 5:13 - Edo Bible (E Baibol Ẹdo) Version 1996

¹³ rhunmwuda ọnii, a gha viọ uwa gha rrie zẹvbe oghunmwu. Ohanmwẹ gha gbele avbe ọkaolotu uwa a, ovbamẹ ghi gbele emwa kẹkan.

Aizaia 5:13 ပူးပေါင်းရင်းမြစ်များ

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

Itan 10:21

Ẹmwẹ ne unu ọmwa esi guan gha rhie ọ maa gie emwa nibun, sokpan, ọmwa sẹtin ye ukọnmwẹ gbe egbe ẹre ua.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 1:7

Iran rẹnkhẹn ẹvbo uwa a, a vbe giẹẹn avbe okpẹvbo uwa sotọ. Vbe sirra uwa avbe orhunmwuyẹn mu uwa otọ, iran keghi vbe rhia emwi hia a.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 3:1

Banbanna nian, e Nọyaẹnmwa, e Nọyaẹnmwa ne Oghodua ra do viọ avbe emwi nii kevbe emwa nii ne iran mu ẹtin yan hin e Jerusalẹm kevbe Juda rre. Ọ ra do viọ evbare kevbe amẹ iran hin rre,

Aizaia 3:3

avbe ekaolotu ivbiyokuo iran kevbe avbe ọkaolotu ni i re ivbiyokuo, iran ni gbinna igbinna ẹvbo iran, kevbe iran ni ya ẹbo awan kha vbene emwi gha de hẹ.

Aizaia 44:19

Iran ni ru amazẹ i vbe mwẹ ẹwaẹn ra irẹnmwi ne iran gha ya kha wẹẹ, “I giẹẹn eso ua nẹ vbe erhan na, I vbe ya erhẹn ọnrẹn eso le ebrẹd, I vbe tọn emiowo, I na rrii ọe. Ne ọ ghi dekẹe vbe nene erhan, I keghi yae kaa amazẹ. U ghe mwẹ vbe I ya uhunmwu rhanmwẹ otọ ne ike erhan!”

Aizaia 49:21

Ẹghẹ nii, wẹ ghi tama egbe ruẹ wẹẹ, ‘Gha ọ biẹlẹ avbe emọ na hia mẹ yi? Ivbi mwẹ hia wulo, I ma ghi sẹtin biẹ ọvbehe. A khu mwẹ fua, a na rhie mwẹ la iwe gha ọ koko avbe emọ na hia? Mẹ ọkpa ọ re ọ kere de ehe ne avbe emọ na hia ghi ke rre?’ ”

Aizaia 65:13

Mẹ ke ghi rhunmwuda ọnii tama uwa wẹ iran ni ga mwẹ, iran na vbe gha hẹnmwẹ mẹ, gha miẹn gha re, kevbe gha da ọwọrhọwọrhọ, sokpan, ohanmwẹ gha gbe uwa, ovbamẹ ghi vbe gha gbe uwa. Ẹko gha sẹ iran ọyẹnmwẹ sokpan, wa gha fa egbua.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Eve Orriara 4:9

Iran ne okuo gbele ọ re ọ maa sẹ ni do wulo vbe okiekie emwa ne ohanmwẹ hẹko gbele ua vbene evbare i na rrọ ne ọ gha da iran yi ye agbọn.

Ezikiẹl 7:12

Ẹghẹ wa dee. Ẹghẹ nii sotọ fo, ne a gha na miẹn wẹ ne a gha dẹ emwi, ra ne a gha khiẹn i ghi mwẹ esa, rhunmwuda, Osanobua ra ye abọ okpa nii rria emwa hia ikhi.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Emọs 8:13

Vbe ẹdẹ ne ẹdẹrriọ, avbe igbama ikpia kevbe ikhuo gha fọrhiọn ba ẹmwẹ ovbamẹ nii.

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

II Pita 3:5

Iran keghi ba yangbe ẹmwata na wẹ, vbe ẹghẹ ne ọ kpẹe fua, Osanobua guan rẹn, a keghi yi ẹrinmwi kevbe agbọn. Uwu amẹ ọre a ke rhie agbọn na ladian, amẹ ọre avbe ya ruẹe.