Aizaia 5:12 - Edo Bible (E Baibol Ẹdo) Version 1996

¹² Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Aizaia 5:12 ပူးပေါင်းရင်းမြစ်များ

Gẹnẹsis 31:27

Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

II Samuẹl 19:35

Ukpo iyenẹ ọ re I ye na, emwi ọkpa ne ọ ghi gbe mwẹ otiti, ẹ i ghi rrọọ kevbe emwi ne I re kevbe ne I da, ne I ghi rẹn emwi ne ọ khọe vbe unu ẹ ghi rrọ, I i ghi vbe họn vbe otu ni so ihuan a gha so ihuan. Ihẹ kẹkan ọ re I khian gha khin nuẹn Umogun.

Job 34:27

rhunmwuda, iran ma ghi lele ẹe, iran kevbe yangbe uhi ẹre hia.

Psalm 28:5

Iran i vbe zẹdẹ bẹghe iwinna Nọyaẹnmwa, ra emwi ne irẹn yi rhunmwuda ọnii, ọ gha rri iran oya, ọ ghi vbe fuẹn iran an ẹdẹdẹmwẹdẹ.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Aizaia 24:8

Ema kevbe akpata ni rhiẹnrhiẹn ne iran te kpee hia dobọyi.

Aizaia 29:1

Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Aizaia 56:12

‘Wa rhie ayọn rre, ne a da ehia ne ọ sẹ ima obọ! Ẹdẹ nakhuẹ gha maa sẹ ẹdẹnẹrẹ na!’ ”

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Iyẹn ne ọ Maan Ọghe Luk 16:19

“Okpia ne ọ fe ọkpa kegha rrọọ, ogiukpọn ọre ọ ya haan vbe ẹghẹ hia, ọ ghi vbe gha lo emwi hia wọrhọwọrhọ ẹdẹgbegbe.

I Kọrinti 14:7

Uhin ya sẹ egbe avbe emwi ne a kpee ne ẹ i mwẹ orhiọn nii, zẹ vbe ne ẹrere ra akpata ye, vbe ọmwa gha na rẹn ihuan ne ọ so hẹ adeghẹ ẹ i re te a kpe ulamwẹ ọnrẹn ne a họen ẹse?

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.