Aizaia 5:10 - Edo Bible (E Baibol Ẹdo) Version 1996

¹⁰ Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Aizaia 5:10 ပူးပေါင်းရင်းမြစ်များ

Ẹksọdọs 37:22

Ukhu ẹre kevbe avbe abọ ẹre keghi wa gha re ọkpa ba erhan ọmukpa, ohoho igoru ne a ma gua ne a ya umọmọ dunmwu ọre a ya ru ẹe.

Aizaia 32:13

igban kevbe ọkọsọ ọ re ọ ghi zọ vbe otọ emwa mwẹ. Wa gha viẹ ne avbe owa ne ọyẹnmwẹ na te sẹ emwa, kevbe avbe okpẹvbo ne ọ te hu yo hu rre.

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Joẹl 1:17

Emwiokọ wulo ye uwu otọe nọkae. Ọka ne a gha viọ hin rre i rrọọ rhunmwuda ọnii, avbe erru ne emwi i ye, khian ni la ọrhiae rrie.

Levitikọs 26:26

I gha gbe odẹ ehe ne a la viọ evbare gie uwa sẹrriọ wẹ aroewu ọkpa gha sẹ ikhuo igbe na le ebrẹd hia ne iran mwẹ, iran ghi ghae ẹre umwọmwẹ, wa gha ghi rri ọe fo nẹ, ohanmwẹ ghi ye gha gbe uwa.

Levitikọs 27:16

A deghẹ ọmwa ya obọ eso vbe otọ ne ọ mwẹ fi ohan ne Nọyaẹnmwa a ghi ghe inu emwi okọ ne a ya kọ emwi yọ fian ive yọ, vbene a gha na tie esiliva igbe ye izagodo ọkpa ọghe ọka.

Hagai 1:6

Wa kọ ọka ọrhẹnrhẹn, sokpan ekherhe wa miẹn fian. Wa miẹn evbare gha re sokpan ẹ i vuọn uwa ẹko. Wa miẹn ayọn gha da, sokpan ọ ma sẹ ọkẹn sẹ ne ọ gha gbe uwa. Wa mwẹ ukpọn, sokpan, ẹ i gbe uwa oni. Ọmwa ne ọ winna, igho ne ọ miẹn i sẹ ọe ya koko egbe.

Hagai 2:16

wa ghi kpao gha rrie ehe ne a si ọka gbo yi, ne uwa na rhie aro ye agban ugie, sokpan, igbe kẹkan ọ re uwa miẹn vbọ. Wa ghi wẹ wa ra sa egalọn ayọn ekigbesiyeha vbe ẹgbẹdin nọkhua, sokpan wa ghi miẹn ugie kẹkan vbọ.

Diuteronomi 28:38

“Wa ghi kọ emwiokọ ọrhẹnrhẹn, sokpan emwiorhọ tunnẹkẹn wa khian rhọ rhunmwuda, irhiso ọ re ọ khian rri emwiokọ uwa hia.

Diuteronomi 28:39

Wa gha kọ emwiokọ ne a ya ru ayọn ne ọ baa wa ghi vbe dọlọ ẹe yi, sokpan wa i ra kọlọ ọmọ, ra ne uwa wọn ayọn rẹn, rhunmwuda ọkhọe gha rri erhan ne a ya ru ayọn ne ọ baa na.