Aizaia 5:1 - Edo Bible (E Baibol Ẹdo) Version 1996

¹ Danmwehọ ihuan ne I ra so ma ruẹn, ihuan ọghe ọse mwẹ kevbe ogba azara ẹre: Ọse mwẹ kegha mwẹ ogba azara vbe oke ne ọ maa emwiokọ ẹsẹse.

Aizaia 5:1 ပူးပေါင်းရင်းမြစ်များ

Psalm 101:1

Ihuan mwẹ re ọghe a ya ekhọe ga kevbe ohiẹn ẹmwata, wẹ ọre imẹ so ẹe na Nọyaẹnmwa.

Psalm 45:1

Ẹmwẹ ni rhiẹnrhiẹn wa vuọn ekhọe mwẹ, vbe I gbẹn ihuan na ne ọba zẹvbe ukeke ọgbenbe ne ọ guẹe. Aranmwẹ mwẹ, wa mu egbe ekharha ye otọ.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Psalm 80:8

U rhie azara ima okpa ke Igipt rre, u khulo uhunmwu ẹvbo nekpa ladian, u keghi gbọ ẹre ye otọe iran.

Ihuan Ne Ọ Sọọ Ihuan Hia 2:16

Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Ihuan Ne Ọ Sọọ Ihuan Hia 5:2

I rhe vbiẹ, orhiọn mwẹ rhiọrre I keghi mina wẹ enida mwẹ gha sobọ vbe urho Gunmwẹ la owa enida mwẹ ikpẹ amiẹnmiẹn mwẹ, idu mwẹ evbu wa tuo yọmwẹ uhunmwu ighogho amẹ gba mwẹ uhunmwu hia

Ihuan Ne Ọ Sọọ Ihuan Hia 6:3

Mẹ ọ re ọ yan enida mwẹ, rẹn ọ re ọ yan mwẹ ọ gha koko avbe ohuan rẹn vbe uwu avbe obobo ẹzẹ.

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Ezikiẹl 15:2

“Ovbi ọmwa, vbe azara ya khọ erhan hẹ yi? A gha zẹdẹ sẹtin ya abọ azara gie erhan ni rre ẹgbo vbe umamwẹ ra?

Ezikiẹl 19:10

Te iye uẹ te ye vbe erhan azara, ne a kọ ye ọkpẹn ẹzẹ. Rhunmwuda ne amẹ na rrọ ẹsẹse nii, ọ keghi họn ebe, ọ keghi vbe mọ ẹsẹse.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Matiu 21:33

Jesu keghi khama iran wẹẹ, “Wa vbe danmwehọ itan ọvbehe: okpia ọkpa rrọọ ne ọ mwẹ otọ, ọ keghi mu ẹre ugbo emwiokọ, ọ gba ogba ga ẹre, ọ keghi vbe fian okọ ne a na ru ẹdin yọọ, ọ keghi vbe bọọ owa ọbodẹ ne ọ yo yọọ, ọ keghi mu uẹn ne emwa vbe agbeghae, ọ na gha rrie ehe.

Iyẹn ne ọ Maan Ọghe Mak 12:1

Jesu keghi suẹn gha ya itan gu iran guan, ọ wẹẹ, “Okpia ọkpa keghi do mu ugbo emwiokọ, ọ gba ogba lẹga ẹre, ọ keghi fian okọ ne a na ru ẹdin yọ, ọ keghi vbe bọ owa ọbodẹ yọ. Ọ Keghi mu ne emwa eso gha gbe aro ghe ẹre vbe agbeghae, rẹn keghi kpao gha rrie ehe.

Iyẹn ne ọ Maan Ọghe Luk 20:9

Jesu keghi kpa itan na ma iran wẹẹ, “Okpia ọkpa keghi do mu ugbo emwiokọ, ọ keghi mu ne emwa gha gbe aro ghe nẹẹn. Ọ kegha rrie owa, ọ kpẹe vbọ ẹsẹse.

Iyẹn ne ọ Maan Ọghe Jọn 15:1

“Mẹ ọrọre azara ne azara, Erha mwẹ ọrọre ne ọ gbe aro ghe ugbo.

Diuteronomi 8:10

A gha miẹn egbe evbare ne uwa a rhirhi gha ho ne uwa re, wa ghi kpọnmwẹ Nọyaẹnmwa Osanobua rua ye otọe esiesi ne ọ mu ne uwa.

Diuteronomi 8:7

Otọe esiesi ẹre Nọyaẹnmwa viọ uwa rrie, otọe ne avbe ẹzẹ nekhua kevbe ne giẹrẹ ye, ke ẹzẹ ni le la uwu otọ ni vbe ya gha vẹ ladian vbe iya kevbe oke.