Aizaia 49:8 - Edo Bible (E Baibol Ẹdo) Version 1996

⁸ E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 49:8 ပူးပေါင်းရင်းမြစ်များ

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

Psalm 2:8

Nọ vbe obọ mwẹ, mẹ gha viọ uhunmwu ẹvbo hia nuẹn. Otọ agbọn hia, gha vbe khian ọwuẹ.

Psalm 69:13

Sokpan zẹ vbe ọghomwẹ, mẹ gha na erhunmwu ghe ruẹ Nọyaẹnmwa, Osanobua, zẹ ẹmwẹ wanniẹn mwẹ, vbe ẹghẹ ne ọ khọn ruẹn. Zẹ ẹmwẹ wanniẹn mwẹ rhunmwuda wẹ mu ẹẹn sẹ ighe eyan ruẹn wẹ u gha miẹn ọmwa fan.

Psalm 75:3

Avbe emwi ne a yi hia gha rhe gha guọ ighẹ a vbe mu agbọn tobọre rueghe I gha gie ẹyotọ ẹre de ziẹn.

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 27:3

“Te imẹ khẹ ọre, I ghi vbe gha gbe amẹ khakhae vbe ẹghẹ hia. Te I khẹ ọre ke asọn kevbe avan, ne ọmwarhọkpa ghẹ ya rhia ẹre ua.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 42:6

“Mẹ ne Nọyaẹnmwa ọ re ọ tie ruẹ, I na rhie ẹtin ne uẹn ne u miẹn wẹ a yinrin vbene ọ kere vbe otọ agbọn. Obọ ruẹ ọ re I ra la gu emwa hia ta ile obọ ruẹ ọ re I ra la rhie uwanmwẹ gie uhunmwu ẹvbo hia.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Aizaia 49:19

“Iran rẹnkhẹn ẹvbo ruẹ ua, ọ keghi dihoi rua sokpan, banbanna nian, ẹi ghi kpọlọ sẹ ne ọ gha gua iran ni dee nẹ iran do di ẹe ya iran ni ya a khian itowa, a gha viọ iran khian rrei nuẹn ẹsẹse.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 54:3

U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 55:6

Wa werriẹ aro ghe ehe ne Nọyaẹnmwa ye ne uwa na erhunmwu ghe ẹre, vbe ẹghẹ na nian, vbene ọ ma na khian rrei.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Aizaia 58:12

Avbe emwa ruẹn gha dọlegbe bọ avbe emwi ni guọghọ ua ke ẹghẹ ni gha dee. Iran ghi bọlọ owa yan avbe ẹyotọ nẹdẹ nii. A ghi gha tie uwa emwa ni dọlegbe gbe ekẹn nii, emwa ni munọ avbe owa nii te khian itowa kpaegbe.”

Aizaia 58:5

Wa gha rre aguẹ, wa ghi gha rri egbe uwa oya, wa ghi hierre vbe ebe irunmwu, wa ghi wa ukpọn akhiẹ kevbe emuẹn yotọ ne uwa gha lovbiẹ yi. Ọnii ọ re uwa tie ẹre aguẹ ra? Wa yayi wẹ ọnii gha yẹ imẹ ra?

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Aizaia 61:4

Iran gha dọlọ avbe ẹvbo nii bọ ni te re itowa ke ẹkpo nii gha dee.

Aizaia 65:9

I gha fiangbe ivbi Izrẹl ni re ẹwae ọghe Juda vbọ, ivbi uniẹn iran ọ re ọ ra yan otọe mwẹ ne uhunmwu oke. Emwa mwẹ ne a hannọ zẹ, ni vbe gha ga mwẹ, ọ re ọ ra yin evba.

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Hibru 8:6

Sokpan vbene ọ ye na, a mu iwinna ohẹn ne ọ kpọlọ sẹẹ ọ ghe iran ẹsẹse ne Jesu nẹ, zẹ vbene ile ne irẹn mwamwa ẹn ye ẹkpo Osanobua kevbe emwa ne agbọn, vbe maa sẹ, rhunmwuda, emwi ne a ve ne ọ vbe maa sẹ, ọre a hẹnhẹn ọẹn yan.