Aizaia 49:4 - Edo Bible (E Baibol Ẹdo) Version 1996

⁴ Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Aizaia 49:4 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

Itan 29:26

Agbọn hia ọ re ọ ho ne ọmwa ne ọ rre asẹ gha ho ẹmwẹ ọnrẹn, sokpan obọ e Nọyaẹnmwa okpa ọ re a na mian ẹmwata.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 40:27

Vbọzẹ ne u na ghi zuyọn yi Izrẹl wẹ e Nọyaẹnmwa ma rẹn ọlọghọmwa ruẹn ra ne ọ kue zẹyọ vbe a gha ruẹ khọ?

Aizaia 57:21

Egberọkhọmwẹ i rrọọ ne emwa orukhọ,” erriọ Nọyaẹnmwa khare.

Aizaia 59:18

Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Aizaia 65:2

Te imẹ te wa mu egbe vbe ẹghẹ hia ne I ya miẹn avbe emwa mwẹ yi, iran ni ya izevbudu ru emwi ne ọ ma gba, iran na gha ru ọghe iran khian.

Aizaia 65:23

Emwi ne iran ru gha wa gha dinna odẹ, ọkhọ i ra vbe sunu vbe egbe ivbi iran, i gha fiangbe iran kevbe uniẹn ivbi iran ni dee ẹdẹdẹmwẹdẹ.

Ezikiẹl 3:19

Adeghẹ wẹ bu ọmwa dan ude khẹ ọ dee ighe ọ ma zobọ vbe orukhọ ne ọ ru, ọ gha wu ye uwu orukhọ ne ọ ru, sokpan wẹ gha miẹn uhunmwu.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 23:37

“Jerusalẹm, Jerusalẹm, wẹ ne ọ gbele avbe akhasẹ, u na vbe ye okuta gbele emwa ne Osanobua gie bu ruẹ gha dee! Inugba inugba I he te gha ho ne I tan obọ mwẹ ga emwa ruẹn zẹ vbene iye ọkhọkhọ tan ifuẹn gue ivbi ẹre, sokpan, u ma kue yọ.

Iyẹn ne ọ Maan Ọghe Luk 24:26

Ọ ma te kei ra ne Mẹzaia rrioya emwi na hia ne ọ vbe la uwu uyi ẹre?”

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Ebe ne Pọl gbẹẹn gie emwa Rom 10:21

Sokpan ọ ghi ra guan vbe ekpa Izrẹl, ọ wẹẹ, “Ẹdẹ hoho rhurhuurhu ọre I ya viọ obọ da odẹ wẹ ne iran dede ighẹ ẹvbo ne ẹ i họn ẹmwẹ kevbe ne ọ sọtẹ.”

II Kọrinti 12:15

Ẹko rhiẹnrhiẹnmwẹ ọre I gha ya lo emwi ne I mwẹ hia, ya sẹ egbe imẹ tobọ mwẹ bare, ne I ya ye uwa obọ. Rhunmwuda ne I na ho ẹmwẹ uwa sẹrriọ, ọre uwa ghi na si egbe vbe aho ne uwa mwẹ ghe mwẹ ra?

II Kọrinti 2:15

Rhunmwuda te ima ye vbe uwinhinmwẹ eturari ne Kristi giẹn ne Osanobua, ne ọ vbe sẹ egbe iran ne a ra miẹnfan, kevbe iran ne ọ ra wiri ua.

Galatia 4:11

Afianma uwa fian mwẹ. Ọnii rhie maa ighẹ ẹsọn ne I miẹn ne uwa, te I miẹn ọẹn kua?

Filipai 2:16

Wa gha ru vberriọ, wa gha gun mwẹ ya zọmọ vbe Ẹdẹ Kristi, rhunmwuda ọ gha rhie maa wẹ edomian kevbe iwinna mwẹ, ẹ i re ne a mu rhia.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.