Aizaia 49:2 - Edo Bible (E Baibol Ẹdo) Version 1996

² Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Aizaia 49:2 ပူးပေါင်းရင်းမြစ်များ

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Ẹksọdọs 33:22

I gha ya obọ mwẹ gue ruẹ ye uvun okuta vbe awanwan mwẹ a gha gberra, vbe I te do gberra fo.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Jerimaia 1:18

Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Habakọk 3:11

Ugbẹn vbe ifẹnmwẹ ruẹn tin khian ọ filo usanna kua, deba umozo ruẹ ne ọ de wainwain, uki kevbe owẹn keghi mudia hiii.

Iyẹn ne ọ Maan Ọghe Luk 23:46

Jesu keghi ya urhu ne ọ la datu wẹẹ, “Evbavba, obọ ruẹ ọre I rhie orhiọn mwẹ yi!” Ọ ghi tae vberriọ nẹ, ọ keghi kpan udu.

Ẹfisọs 6:17

U ghi rhan obọ miẹn imiẹnfan ya ru ẹrhu ematọn, kevbe ẹmwẹ Osanobua zẹ vbe umozo ne nene Orhiọn rhie nuẹn.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.

Arhie Maan 2:12

“Gbẹn ebe gie odibosa esọsi ne ọ rre Pẹgamọm wẹ: “Uhunmwu ne ọ gie ọ na khin ighẹ ọmwa ne ọ mwẹ umozo ne ọ mwẹ unu eva.

Arhie Maan 2:16

Rhunmwuda ọnii, wa zẹ obọ vbe orukhọ ne uwa ru. a deghẹ ẹ i re vberriọ, I gha rherhe bu wa gha dee, ne I do ya umozo ne ọ ke uwu unu mwẹ ladian gu avbe emwa ni gbinna.