Aizaia 49:17 - Edo Bible (E Baibol Ẹdo) Version 1996

¹⁷ “Iran ni gha dọlọ uwẹ bọ dee ẹgiẹgiẹ iran ni guọghọ uwẹ rua gha rrie.

Aizaia 49:17 ပူးပေါင်းရင်းမြစ်များ

Ẹzra 1:5

Ẹkpo nii, ọ re avbe ọkaẹgbẹe ni rre ẹwae ni rre Juda kevbe Bẹnjamin, avbe ohẹn kevbe avbe Livai, deba emwa ọvbehe hia ne Osanobua ghi rhie ye ọre ekhọe, na mu egbe, ne iran do ya bọ Ọgua Osa ọghe Nọyaẹnmwa ne ọ rre Jerusalẹm.

Nehimaia 2:17

Sokpan, eban nian, I keghi tama iran wẹẹ, “Wa ghe uwu ọlọghọmwa ne ima ye rhunmwuda ne Jerusalẹm na rẹnkhuan, a kevbe guọghọ onurho ni rrọ ua! Wa gie ima dọlegbe gbe ekẹn ne ọ lẹga ẹvbo na, ne ima ban ukpọn emwiekhue hin ẹkun rre.”

Psalm 137:3

Iran ni viọ ima keghi wẹ ne ima so ihuan ma iran; iran wẹ ne ima ku ne iran ghe wẹẹ: “Wa so ihuan e Zaiọn ọkpa ma ima!”

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 37:18

E Nọyaẹnmwa, ma hia rẹnrẹn wẹ uhunmwu ẹvbo ni bun ọ re avbe ọgbaisi Asiria he rẹnkhẹn uan ọ na ya otọ iran khian otọ ne ọ gbe ẹvbi.

Aizaia 49:19

“Iran rẹnkhẹn ẹvbo ruẹ ua, ọ keghi dihoi rua sokpan, banbanna nian, ẹi ghi kpọlọ sẹ ne ọ gha gua iran ni dee nẹ iran do di ẹe ya iran ni ya a khian itowa, a gha viọ iran khian rrei nuẹn ẹsẹse.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Aizaia 62:5

Zẹ vbe igbama ne ọ rhie ọvbokhunvbi rọnmwẹ ọmwa ne ọ yi uwẹ gha rhie ruẹ rọnmwẹ zẹ vbene ẹko ovbiọha rhiẹnrhiẹn ọdafọn ọha erriọ ọ re ẹko rua ra gha maa Osanobua rua.

Ezikiẹl 28:24

E Nọyaẹnmwa keghi kha wẹẹ, “Avbe ẹvbo ni lẹga Izrẹl, ọkpa ne ọ gha ye dọlegbe yevbe ogigban kevbe ọkọsọ ne ọ gha kuan Izrẹl egbe i ghi rrọ. Iran gha vbe rẹn wẹ mẹ ọrọre Nọyaẹnmwa ne Oghodua.”

Ezikiẹl 36:10

I gha ru ẹe ne uwa gha muan yọ, wa gha yin avbe ore nekhua ọghe uwa, wa ghi vbe dọlegbe bọlọ ehe ne ọ te re itowa hia.