Aizaia 49:12 - Edo Bible (E Baibol Ẹdo) Version 1996

¹² Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 49:12 ပူးပေါင်းရင်းမြစ်များ

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 49:18

Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Aizaia 59:19

Ke ahọ ya sẹ orrie emwa hia gha mu ohan rẹn kẹeke ẹtin ẹnrẹn nọkhua. Ọ gha rre zẹ vbe ẹzẹ ne ọ lẹ ogbigbi, zẹ vbe okpẹhoho.

Aizaia 60:4

Tọn aro mu ne u ghe emwi ne ọ sunu. Emwa ruẹn gha si egbe koko ne iran gha die owa. Avbe ivbuẹ nikpia gha ke otọe urria rre, a gha mu avbe ivbuẹ nikhuo zẹ vbe emọ obọ.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 6:15

Emwa ni rre urria gha rre, iran ghi do ru iyobọ ye ubọmwẹ Ọgua Osa e Nọyaẹnmwa. A ghẹ ghi dọlọ ẹe bọọ nẹ, wa gha rẹn wẹ e Nọyaẹnmwa ne Oghodua ọre ọ gie mwẹ bu uwa gha dee. Ena hia gha wa sunu fẹẹrẹ a deghẹ wa họn ẹmwẹ ne Nọyaẹnmwa Osanobua rua tama uwa, wa na vbe ya ẹe ru emwi.

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Iyẹn ne ọ Maan Ọghe Luk 13:29

Emwa gha ke odẹ ahọ kevbe orrie, odẹ okuọ kevbe ekẹn rre, iran ghi tota gha rri evbare vbe Arriọba Osanobua.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.