Aizaia 48:9 - Edo Bible (E Baibol Ẹdo) Version 1996

⁹ “I gbe ibiẹ rrie vbe ohu ne ọ te mu mwẹ ne emwa miẹn ehe na gha rho eni mwẹ. I kie ẹre werriegbe ne I ghẹ ya fuẹn uwa a.

Aizaia 48:9 ပူးပေါင်းရင်းမြစ်များ

Psalm 106:8

Sokpan, ọ miẹn iran fan zẹ vbene ọ yan rẹn, ne ọ miẹn ehe na rhie ẹtin ẹnrẹn nọkhua, ne a miẹn.

Psalm 143:11

Fan mwẹ ye otọ Nọyaẹnmwa, zẹ vbene u yan rẹn; vbe uwu iruemwiẹse ruẹ, yuo mwẹ hin ibaro mwẹ hia rre.

Psalm 25:11

Mu eyan ruẹn sẹ Nọyaẹnmwa, ne u ya orukhọ mwẹ bọ mwẹ rhunmwuda iran wa bun.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 79:9

Yima obọ Osanobua ne u miẹn ima fan, fannọ ima yotọ ne u vbe ya orukhọ mwa bọ mwa rhunmwuda uyi ruẹ.

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 37:35

I gha gbinna ne ẹvbo na, I gha vbe degue ẹre, rhunmwuda uyi mwẹ kevbe rhunmwuda eyan ne I yan ma e Devid ne ọguọmwadia mwẹ.’ ”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 48:11

Emwi ne I ru, rhunmwuda ekpẹn ne egbe mwẹ ọre I na ruẹe. Mẹ i ho ne a ya iruẹn ye eni mwẹ ra ne ọmwa ọvbehe rhokpa ghae vbe uyi nii ne ọ kere ne ọ gha re ọghomwẹ, ọ ghi mẹ ọkpa.”

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Ezikiẹl 20:14

Sokpan, I ma ru vberriọ, rhunmwuda, ọnii gha mu ozan gie eni mwẹ vbe ehe ne avbe uhunmwu ẹvbo nii ye, iran ne aro ẹre se ọe vbe I viọ ivbi Izrẹl ke Igipt ladian.

Ezikiẹl 20:22

Sokpan, I ma ru vberriọ, rhunmwuda, te ọnii gha mu ozan gie eni mwẹ vbe ẹbu uhunmwu ẹvbo ni miẹn mwẹ vbe I viọ ivbi Izrẹl ke Igipt ladian.

Ezikiẹl 20:44

I gha ghi yin uyinmwẹ ne ọ gha da uyi mwẹ yi nẹ, wa ne ivbi Izrẹl gha rẹn ighe mẹ ọ re Nọyaẹnmwa, rhunmwuda, I ma ru uwa emwi ne ọ ma uwa zẹ vbe uyinmwẹ dan ne uwa yin.” E Nọyaẹnmwa ne Udazi guan nẹ.

Ezikiẹl 20:9

Sokpan, I ma ru vberriọ rhunmwuda, ọnii gha mu ozan gie eni mwẹ, rhunmwuda, sirra avbe emwa ne iran gba yin kugbe ọre I na tae ma Izrẹl wẹ, I gha viọ iran ke Igipt ladian.

Ezikiẹl 36:21

Ọna keghi ya mwẹ gha mu ẹmwẹ eni mwẹ nọhuanrẹn ro rhunmwuda, te ivbi Izrẹl wa gha fa e rua vbe ehe ne iran yo hia.

Jọsua 7:9

Avbe emwa Kenan, kevbe avbe emwa ọvbehe hia ni rre otọe na gha họn ẹmwẹ na. Iran ghi do lẹga ima, iran ghi gbele ima hia a. De emwi ne u wẹ ghẹ ghi ru ya da uyi eni ruẹn yi?”

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.