Aizaia 48:20 - Edo Bible (E Baibol Ẹdo) Version 1996

²⁰ Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Aizaia 48:20 ပူးပေါင်းရင်းမြစ်များ

II Samuẹl 7:23

Ẹvbo ọvbehe i rre otọ agbọn ne ọ ye vbe Izrẹl ne emwa ruẹn ne uwẹ miẹnfan hin ọviẹn ọmwa ne iran do gha re emwa ruẹn. U ya egbe ruẹ hin usi, u keghi ru emwi ni kpọlọ kevbe ni yunnuan ne iran, vbene u na khulo avbe agbọn ẹvbo kevbe avbe ẹbọ iran kua hin odaro emwa ruẹn rre, vbene iran ya nana sikẹ odaro. Emwa ne uwẹ faẹn vbe irri vbe Igipt ne iran do khian ọwuẹ.

Ẹzra 2:1

Ni bun vbe uwu iran ni te rre iwe keghi kpa vbe Babilọn rre, iran na gha die Jerusalẹm kevbe Juda, edọmwadẹ ọghọe na gha die ẹvbo ẹre. Ẹgbẹe iran hia ni te ka gha rre iwe vbe Babilọn ke ẹghẹ ne Nebukiadneza ne ọba ya viọ iran oghunmwu gha rrie odọ nii gha dee.

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 24:14

Iran ni miẹn uhunmwu gha so ihuan oghọghọ. Iran ni rre odẹ orrie gha na iyẹn vbene Nọyaẹnmwa kpọlọ hẹ.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 42:10

Wa so ihuan ọgbọn ghe Nọyaẹnmwa wa so ihuan urhomwẹ ọnrẹn, wa ne otọ agbọn hia. Wa rho ẹre, wa ni gua khian vbe okun wa rho ẹre, wa ne emwi ni rre amẹ, wa so ihuan, wa ne otọe urria kevbe emwa ni rrọọ hia.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 44:22

I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”

Aizaia 48:6

“Avbe emwi ne I taa yotọ hia sunu nẹ nian ọ kere ne uwa miẹnkue nian wẹ emwi ne I taa yotọ hia, ẹmwata ọ re iran khin. Banbanna nian, I gha ta avbe emwi ọgbọn ni he dee, emwi ni gha sunu, ne I ma he ka ta yi.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 51:14

A gha rherhe fannọ iran ni re oleghan kua, iran gha wa tọ iran ghi vbe gha mwẹ evbare ne iran ho hia.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Aizaia 52:9

Wa gha wee ne oghọghọ wa ne itowa ni rre Jerusalẹm! E Nọyaẹnmwa gha miẹn ẹvbo ẹre fan ọ ghi vbe fu avbe emwa rẹn ẹko rre.

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 31:10

E Nọyaẹnmwa khare wẹẹ, “Wa ne uhunmwu ẹvbo, wa danmwehọ mwẹ, ne uwa ta uhunmwu ne I gie vbe eghute ne ọ rrei, I zagha avbe emwa mwẹ kua, sokpan, I gha vbe si iran koko. I ghi gha su iran vbene ọsuohuan su avbe ohuan rẹn.

Jerimaia 31:11

I fannọ emwa Izrẹl kua nẹ I keghi vbe miẹn iran fan vbe obọ uhunmwu ẹvbo ne ọ wa mwẹ ẹtin.

Jerimaia 31:21

Viọ ama lelẹe ne u vinnọ uviẹn lele odẹ, dọlegbe gualọ odẹ ne u la kpao. Ivbi Izrẹl wa werriegbe rre, wa dọlegbe gha die ẹvbo ne uwa na kpao.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Jerimaia 50:8

“Wa ne ivbi Izrẹl, wa lẹ hin e Babilọn rre! Wa kpao hin ẹvbo nii rre! Wa gha re emwa ne okaro ne ọ ka gha kpao.

Jerimaia 51:45

Wa ne ivbi Izrẹl, wa lẹ ladian vba. Wa lẹ viọ uhunmwu uwa hin ẹbe rre vbe obọ ohu nọkhua ne ọ mu mwẹ.

Jerimaia 51:48

Emwi hia ni rre otọe kevbe ni rre iso gha wee ne oghọghọ vbe emwa ni ke odẹ okuọ rre do fuẹn e Babilọn, a gele rhie ẹre gbe otọ.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Zẹkaraia 10:8

“I gha tie emwa mwẹ, I ghi si iran koko. I gha miẹn iran fan. I ghi vbe gie iran gha bun zẹ vbe ne iran te ka gha ye.

Zẹkaraia 2:10

E Nọyaẹnmwa khare wẹẹ, “Wa gha so ihuan oghọghọ, ivbi e Jerusalẹm! Mẹ dee do gu uwa yin.”

Diuteronomi 30:4

Ọ gha khọnrẹn ne a zagha uwa gha rrie okhiẹ ehe ne agbọn sẹ, e Nọyaẹnmwa Osanobua rua dọlegbe viọ uwa rre.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.