Aizaia 48:2 - Edo Bible (E Baibol Ẹdo) Version 1996

² Sevba wa ghi ye gha ya unu hia tae wẹ ivbi ore nọkhua ọghe ẹvbo nọhuanrẹn nii ọ re uwa khin, kevbe wẹ Osanobua Izrẹl ọ re uwa ya egbe kọ ọmwa ne eni ẹnrẹn re e Nọyaẹnmwa ne Oghodua.

Aizaia 48:2 ပူးပေါင်းရင်းမြစ်များ

Nehimaia 11:1

Avbe ọkaolotu ni rrọ keghi yin e Jerusalẹm, avbe emwa ni dekẹe keghi yan uta ya zẹ ẹgbẹe ọkpa vbe uwu igbe ne ọ gha ya yin ẹvbo nọhuanrẹn ọghe Jerusalẹm vbene avbe nekpa na ya yin avbe okpẹvbo kevbe ore nekhua nekpa.

Nehimaia 11:18

Avbe Livai hia ni wa yin ẹvbo nọhuanrẹn nii ighẹ Jerusalẹm kegha re eneyan iyenẹ yan uri (284).

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 87:3

Wẹ ne ẹvbo Osanobua, danmwehọ emwi ọyunnuan nẹ ọ tae vbe ekpa ruẹ.

Aizaia 10:20

Ẹghẹ dee, ne a gha na miẹn wẹ iran ni miẹn uhunmwu vbe ivbi Izrẹl i ghi ra gha mu ẹtin yan avbe uhunmwu ẹvbo ni te ra wa fuẹn iran an fẹẹrẹ. Iran gha mu ẹtin yan e Nọyaẹnmwa ne ọ re Osanobua nọhuanrẹn ọghe ivbi Izrẹl, vbe ẹmwata.

Aizaia 47:4

Osanobua nọhuanrẹn ọghe Izrẹl fannọ ima kua! Eni ẹnrẹn ọrọre e Nọyaẹnmwa ne Oghodua.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 51:15

“Mẹ ọrọre Nọyaẹnmwa ne Osanobua ruẹ mẹ ọ re ọ tughu okun I ghi vbe ye ulẹmwẹ amẹ ọnrẹn gha vanhiẹn. Eni mwẹ ọrore Nọyaẹnmwa ne Oghodua.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 21:2

“Lahọ, wa gu e Nọyaẹnmwa guan ne ima, rhunmwuda, e Nebukiadneza ne ọba e Babilọn kevbe ivbiyokuo ẹre ghae ga ẹvbo nẹ. U gha ghe, e Nọyaẹnmwa gha winna ọkpa vbe uwu avbe iwinna ọyunnuan rẹn ne ima, ọ ghi ru ẹe ne Nebukiadneza werriegbe.”

Jerimaia 44:26

Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Matiu 27:53

Iran kpao hin idin rre. Iyeke vbe Jesu ghi rhiọrre nẹ vbe idin, iran kegha rrie Ẹvbo Ne ọ huanrẹn nii, emwa ni bun keghi miẹn iran.

Matiu 4:5

Iyeke ọnii, Esu keghi vbe rhie Jesu gha rrie ẹvbo Nọhuanrẹn ni, ọ keghi muẹn yan ehe ne ọ yo sẹ vbe Ọgua Osa.

Ebe ne Pọl gbẹẹn gie emwa Rom 2:17

Wẹ vbo? Ẹ i re Ju ọre u tie egbe ruẹ re, u mu ẹtin yan nene Uhi gha ya Osanobua rhuọ.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.

Arhie Maan 21:2

I keghi bẹghe Ẹvbo Ne Ọ Huanrẹn nii, Jerusalẹm ne ọgbọn, ọ tuorre ke ehe ne Osanobua ye vbe ẹrinmwi dee, a wa mu ẹre egbe ye otọ zẹ vbe ọha ne a rhie gie ọdọ ẹre.

Arhie Maan 22:19

A deghẹ ọmwaikọmwa vbe fian hin rre vbe ebe na, Nọyaẹnmwa gha miẹn ẹre ne ọ te sẹ ọre obọ vbe ọmọ erhan ẹfe nii, kevbe ne ọ te re ọghọe vbe Ẹvbo Ne Ọ Huanrẹn nii, ne a ta ẹmwẹ ọnrẹn ye ebe na.

Giọgis 17:13

E Maika keghi kha wẹẹ, “Banbanna nian, I rẹnrẹn wẹ e Nọyaẹnmwa gha gie agbọn ma mwẹ vbene I ghi na mwẹ ohẹn ne ọ re e Livai na.”