Aizaia 48:14 - Edo Bible (E Baibol Ẹdo) Version 1996

¹⁴ “Wa hia si koko, ne uwa danmwehọ! Ọkpa i rrọ vbe avbe ẹbọ ne ọ sẹtin tae yotọ wẹ ọmwa ne imẹ zẹe gha mu okuo yo Babilọn; emwi ne I ho ne ọ ru, ọ re ọ ra ru.

Aizaia 48:14 ပူးပေါင်းရင်းမြစ်များ

Gẹnẹsis 49:1

E Jekọb keghi tie avbe ivbi ẹre, ọ tama iran wẹẹ, “Wa do si koko ye emwa ne I tama uwa emwi ne ọ gha sunu vbe egbe uwa vbe ẹghẹ nọdee:

Gẹnẹsis 49:2

“Wa si koko ne uwa danmwehọ ivbi e Jekọb. Wa danmwehọ Izrẹl ne erha uwa.

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 21:9

Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 41:22

Wa larre, wa do ta emwi ne ọ gha he kue sunu yotọ. Ne ima miẹn ehe na rẹn ọnrẹn vbe ọ a gha sunu wa rhan otọ emwi ne ọ gberra ma iko ne uwa vbe tama ima emwi ne a ya ẹe kha.

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 44:7

Ọmwa ọvbehe ne ọ gha te sẹtin ru emwi ne imẹ ru rrọọ ra? De ọmwa ne ọ gha te sẹtin tae yotọ yi ighẹ avbe emwi ni gha sunu ke omuhẹn emwi hia gha dee do sẹ ufomwẹ ọnrẹn?

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

Iyẹn ne ọ Maan Ọghe Mak 10:21

Jesu keghi ghe ẹre, ọ ho ẹmwẹ ọnrẹn, ọ keghi tama rẹn wẹẹ, “Emwi ọkpa ọ ghi kẹ ruẹ yi, ya khiẹn emwi ne umwẹ hia, ghae igho ẹre ne avbe ivbiogue, ne u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”