Aizaia 48:12 - Edo Bible (E Baibol Ẹdo) Version 1996

¹² E Nọyaẹnmwa khare wẹẹ, “Wa danmwehọ mwẹ, ivbi Izrẹl, emwa ne imẹ tiere, mẹ ọrọre Osanobua, okaro, okiekie ọkpa kẹkan ne ọre Osanobua.

Aizaia 48:12 ပူးပေါင်းရင်းမြစ်များ

Itan 7:24

Rhunmwuda ọnii nian, ivbi mwẹ, wa danmwehọ mwẹ. Wa rhie ehọ ye ẹmwẹ ne I ta.

Itan 8:32

“Banbanna nian, wa danmwehọ mwẹ, wa ne igbama, wa gha ru vbene I khare, wa gha miẹn oghọghọ.

Aizaia 34:1

Wa larre, wa ne emwa ni rre uhunmwu ẹvbo hia. Wa do si koko, ne uwa danmwehọ. Gie uhunmwu otọ agbọn hia kevbe emwa ni rrọọ si koko ne iran danmwehọ.

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 41:4

Gha ọ ru ẹe ne ọna na sunu yi? Gha ọ tae yotọ vbene emwi gha sunu hẹ? Mẹ ne Nọyaẹnmwa rre evba vbe omuhẹn. Mẹ ne Nọyaẹnmwa Osanobua gha vbe gha rre evba vbe ufomwẹ.

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 43:11

“Mẹ ọkpa kẹkan ọrọre Nọyaẹnmwa, ọmwa ọkpa kẹkan ne ọ gha sẹtin miẹn ruẹn fan.

Aizaia 44:1

E Nọyaẹnmwa khare wẹẹ, “Danmwehọ nian, Izrẹl ne ọguọmwadia mwẹ emwa mwẹ ne I hannọ zẹ ivbi uniẹn Jekọb.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 46:3

“Wa danmwehọ mwẹ, wa ne ivbi uniẹn e Jekọb, wa hia ni ghi kẹe vbe emwa mwẹ, te I gha gbearoghe uwa ke ẹghẹ ne a ya biẹlẹ uwa gha dee.

Aizaia 46:4

Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Aizaia 51:1

E Nọyaẹnmwa khare wẹẹ, “Wa danmwehọ mwẹ, wa ni ho ne a miẹn uwa fan, wa ni do nọ iyobọ vbe obọ mwẹ, wa roro ẹmwẹ okuta nọkhua ne uwa ke ladian. Ehe ne a na fian okuta ne a ke fian uwa ladian.

Aizaia 51:4

“Wa danmwehọ mwẹ wa ne emwa mwẹ wa danmwehọ vbene I khare mẹ ọ re ọ ma avbe uhunmwu ẹvbo emwi. Uhi mwẹ gha rhie uwanmwẹ gie iran.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Matiu 20:16

Jesu keghi gbe ẹe wanniẹn wẹẹ, “Erriọ ye zẹẹ. Ikaro gha khian ikiekie, ikiekie gha khian ikaro.”

Ebe ne Pọl gbẹẹn gie emwa Rom 1:6

Ne usun ọre uwa ne emwa Rom vbe ye, emwi ne Osanobua tie re ne iran do gha re emwa Jesu Kristi.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 1:24

Sokpan ọ gha sẹ egbe iran ne Osanobua tie re, kevbe avbe Ju kevbe avbe iran nẹ ẹ i re Ju, ẹmwẹ ikporhu na ọrọre Jesu ne ọre ẹtin kevbe ẹwaẹn Osanobua.

Diuteronomi 32:39

“ ‘Mẹ, mẹ ọkpa kẹkan ọrọre Osanobua, Osanobua ẹmwata ọvbehe i ghi rrọọ. I gbe; I vbe huẹn, I fian ẹwẹn, I vbe kpe ẹwẹn rrie, ne ọ gha sẹtin gbe odan ye emwi ne I ru, ẹ i rrọọ.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 1:11

Ọ keghi kha wẹ, “Gbẹnnẹ emwi ne u miẹn ye otọ ne u rhie ebe ni gie avbe esọsi ihinrọn na: ni rre Ẹfisọs, Smaina, Pẹgamọm, Tiatira, Sadis, Filadẹlfia kevbe Laodisia.”

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 2:8

“Gbẹn ebe ẹre gie odibosa esọsi ne ọ rre Smaina wẹ: “Uhunmwu ne ọ gie rre ọre ọna khin ighẹ rẹn ni ne ọ re okaro kevbe okiekie, ne ọ te ka wu, ne ọ ghi vbe dọlegbe rre agbọn nian.

Arhie Maan 22:13

Mẹ ọrọre Alfa Kevbe Omega, okaro kevbe okiekie, omuhẹn kevbe ufomwẹ.”