Aizaia 48:10 - Edo Bible (E Baibol Ẹdo) Version 1996

¹⁰ I danmwẹ uwa ghe nẹ vbe erhẹn irrioya zẹ vbene a kpe esiliva vbe uwu erhẹn sokpan, I keghi miẹn wẹ akpa ọmwa i rre uwa egbe hiehiere.

Aizaia 48:10 ပူးပေါင်းရင်းမြစ်များ

I Ọba 8:51

Emwa ruẹn iran khin, emwa ne u viọ ke Igipt ladian, vbe uwu ogidi erhẹn nii.

Job 23:10

Sevba, Osanobua rẹn dọmwadẹ owẹ ni I zẹ vbotọ. Ọ gha danmwẹ mwẹ ghe, ọ gha miẹn wẹ, I i mwẹ iruẹn.

Job 28:1

“A miẹn uvun ne a kẹ zẹlẹ esiliva ladian vbe uwu otọ; a miẹn ehe ne a na ya erhẹn kpe igoru huan.

Psalm 66:10

Osanobua, wẹ danmwẹ ima ghe nẹ zẹ vbene a kpe esiliva vbe erhẹn erriọ ọ re uwẹ danmwẹ ima ghe.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Ezikiẹl 20:38

I gha viọ iran ni sọtẹ kevbe ni ru orukhọ. I gha viọ iran hin otọe ne iran ye na rre sokpan mẹ i ra gie iran werriegbe gha rrie otọ Izrẹl. Ẹghẹ nii, wa gha na rẹn ighe mẹ ọrọre Nọyaẹnmwa.”

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

I Pita 4:12

Ọse mwẹ ni ghan, wa ghẹ gie edanmwẹ nọwegbe ne uwa miẹn ẹghẹ na, yan uwa unu uan, zẹ vbe emwi ne a ma he miẹn ẹdẹ.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.