Aizaia 47:6 - Edo Bible (E Baibol Ẹdo) Version 1996

⁶ Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Aizaia 47:6 ပူးပေါင်းရင်းမြစ်များ

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

II Krọnikol 10:11

Erha mwẹ kun ihẹ ne ọ khua ne uwa mu, me gha ru ẹe ne ọ khua sẹ ọnii, asan ọ re ọ ya gbele uwa, sokpan ekoboko ọ re I ra ya mama uwa.”

II Krọnikol 28:9

Okpia ọkpa ne a tie eni ẹnrẹn Odẹd, ne ọ vbe re akhasẹ kegha rre Sameria. Ọ keghi dekun ivbiyokuo Izrẹl ni ke okuọ dee, deba ivbi e Juda ne iran munọ ẹre oghunmwu vbe iran ghi ra wa la ore ẹvbo, ọ na kha wẹẹ, “E Nọyaẹnmwa ne Osanobua avbe erha uwa odede keghi mu ohu ivbi e Juda, ọ na gie obọ uwa ke ukhunmwu ne iran, wanwanna nian, ọ họn ugbe mwẹ ọghe ekhọe dan ne uwa gbele iran re.

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

II Krọnikol 36:20

Ọ keghi viọ iran ni miẹn uhunmwu vbọ hia gha rrie Babilọn, iran na ya gha ga ẹe kevbe uniẹn ivbi ẹre zẹ vbe eviẹn ọ te do sẹ ẹghẹ ne Arriọba e Pẹsia na la ukpo.

Ẹzra 5:12

Sokpan, ugbẹn vbe avbe erha mwa odede ghi ya ohu mu Osanobua Ẹrinmwi, ọ na gie Nebukiadneza ne Ọba e Babilọn ya khọn iran, uniẹn ivbi e Kialdia ọ re ọba na khin. Iran keghi guọghọ Ọgua Osa a, iran na viọ emwa ni gha rrie iwe vbe Babilọn.

Psalm 69:26

Iran keghi gha zẹ emwa ne uwẹ rri ọre oya kpokpo iran kegha na iyẹn emwa ne uwẹ kuanrẹn.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 13:16

Vbe ne iran wa ghe iran nii, a gha sirra iran salọ ivbi iran uhunmwu vbe otọ gbelua, a gha fu emwi ni rre owa iran viọ, a ghi gha mu avbe amwẹ iran ya gha.”

Aizaia 14:17

Ọmwa nii ne ọ guọghọ avbe okpẹvbo ua ọ re ọ na khin ra, ọ na ya otọe agbọn khian otọe ne ọ gbe ẹvbi. Ọmwa nii ne ẹ i fannọ oleghan rẹn kua ra ne ọ gie iran gha rrie owa ọ re ọna khin ra?’

Aizaia 14:6

iran ni ya ohu wọ avbe emwa nii uhunmwu, vbe ne iran i na vbe dobọ ẹvbo ni iran khọnrẹn ne iran zẹ kpokpo yi.

Aizaia 43:28

avbe nikhaemwisẹ uwa ru owa mwẹ awua. Rhunmwuda ọnii, I keghi sii ọfuan ye Izrẹl egbe I keghi kue ne a yagha emwa wẹ.”

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Eve Orriara 1:21

“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Eve Orriara 4:16

E Nọyaẹnmwa i ghi zẹdẹ rre asa ọghe iran nii, rẹn ọ re ọ tobọ ẹre zagha iran an. Ọ ma ghi zẹdẹ zẹye avbe ohẹn kevbe ọkaolotu mwa ẹre.

Eve Orriara 5:12

A munọ avbe ọkaolotu ima, a keghi silo iran rrọọ, iran ivbe zẹdẹ yọghọ ne avbe eniwanrẹn ima.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Ezikiẹl 28:16

U kegha winna vbe ne u na gha dẹ, u na vbe gha khiẹn, ọ na keghi si uyinmwẹ ọkpankpan kevbe orukhọ ye uẹ egbe. Mẹ keghi rhunmwuda ọnii khue hin oke mwẹ nọhuanrẹn rre, ẹre odibosa ne a wẹ ne ọ gha gbe aro ghe ruẹ na khue hin uwu ẹbu avbe okuta ni fi wainwain ni rre.

Obedaia 1:10

“Rhunmwuda, u rhare, u do izigha avbe etuẹn, ivbi uniẹn Jekọb, a gha fuẹn ruẹn uan, a ghi vbe fa rua ẹdẹdẹmwẹdẹ.

Obedaia 1:16

Emwa mwẹ wọọn nẹ vbe ukpu orriara ọghe irrioya. Sokpan, avbe ẹvbo ni lẹga iran gha wọn ukpu ne ọ rriara sẹẹ ọnii ẹsẹse ọghe irrioya, iran gha wọn ehia, a ghi ho iran hia bẹkun.

Zẹkaraia 1:12

Ẹre odibosa nii na kha wẹẹ, “E Nọyaẹnmwa ne Oghodua, wẹ mu ohu e Jerusalẹm nẹ kevbe avbe okpẹvbo e Juda la ukpo ekigbesiyenẹ nian. Vbe ọ gha ghi kpẹe sẹ hẹ u te do mwẹ itohan?”

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Matiu 7:2

Rhunmwuda vbene uwa ya bu ohiẹn ẹrrẹ, ọre Osanobua ra vbe ya bu ọghe uwa. Omwa ne uwa ya mwa ne ẹrrẹ, ọre a ra vbe ya mwa ne uwa.

Diuteronomi 28:50

Iran gha ye ọkpankpan ru uwa emwi, iran i ra tohan ọmwa rhọkpa ọdiọn kevbe ọvbokhan.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.