Aizaia 47:4 - Edo Bible (E Baibol Ẹdo) Version 1996

⁴ Osanobua nọhuanrẹn ọghe Izrẹl fannọ ima kua! Eni ẹnrẹn ọrọre e Nọyaẹnmwa ne Oghodua.

Aizaia 47:4 ပူးပေါင်းရင်းမြစ်များ

Psalm 19:14

Gie ẹmwẹ ne unu mwẹ, kevbe iziro ekhọe mwẹ, gha re ne uwẹ rhan obọ miẹn Nọyaẹnmwa ugue mwẹ kevbe Ọmiọnmwafan mwẹ.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Aizaia 43:15

Mẹ ọrọre Nọyaẹnmwa Osanobua ruẹ nọhuanrẹn mẹ ọ re ọ yi uwe Izrẹl mẹ ọ re ọ vbe re ọba ruẹ.”

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 51:15

“Mẹ ọrọre Nọyaẹnmwa ne Osanobua ruẹ mẹ ọ re ọ tughu okun I ghi vbe ye ulẹmwẹ amẹ ọnrẹn gha vanhiẹn. Eni mwẹ ọrore Nọyaẹnmwa ne Oghodua.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 31:11

I fannọ emwa Izrẹl kua nẹ I keghi vbe miẹn iran fan vbe obọ uhunmwu ẹvbo ne ọ wa mwẹ ẹtin.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.