Aizaia 47:2 - Edo Bible (E Baibol Ẹdo) Version 1996

² Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

Aizaia 47:2 ပူးပေါင်းရင်းမြစ်များ

Gẹnẹsis 24:65

Ọ na nọ ọguọmwadia nii wẹẹ, “Gha ọna khin ne ore ne ọ bu ima de na?” Ọguọmwadia nii keghi wanniẹn wẹẹ, “Arowa mwẹ nọ.” Rẹn keghi rhie ugbaleto, ọna rhie gue aro ẹre.

I Krọnikol 19:4

E Hanun na munọ emwa ne Devid gie ẹre uhunmwu, ọ na gbẹn iran ẹtu kua, ọ na giagia ẹwu iran la ẹkun, ọ na wẹ ne iran gha rrie.

Job 31:10

ẹghẹ nii, giẹ ọvbokhan mwẹ le evbare okpia ọvbehe. Ne ọ vbe ya gha vbiẹ ukpo okpia ọvbehe.

Ẹksọdọs 11:5

Emọ ọdiọn nii re ikpia hia vbe Igipt gha wulo, kevbe ovbi ọba Igipt ne okpia ne ọdiọn ne ọ ra rriọba lele ẹe, ya sẹ egbe ọmọ ọdiọn ne okpia ọghe okhuo ọviọnmwa ne ọ lọ emwi vbe olọ. Emọ ne avbe ẹmila ka biẹlẹ gha wulo.

Asan-Ibo 12:4

Ehọ ruẹ i ghi họn owogho idunmwu, ekherhe kherhe ọ re u ghi ya họn vbe olọ lọ emwi, ra vbe emwa a gha kpe ema iku, sokpan uhin ghẹ te utumwẹ ahianmwẹ ghi sẹtin huẹn ruẹn kpao vbe ovbe.

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Aizaia 3:17

I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Aizaia 3:23

ẹwu iran ne a la bẹghe iran egbe, ukhiọnfọ eto ovbiohuẹ, ukpọn ne a rhie kinnọ urhu kevbe ukpọn ugbaleto ne wọọrọ.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Eve Orriara 5:13

A ye avbe igbama ima gha wiẹn ọka zẹvbe eviẹn avbe igbama mwa gha dobidokpannọ khian, rhunmwuda ihẹ erhan ne a kun yan iran uhunmwu.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Maika 1:11

Wa ne ivbi Siafa, wa gha rrie iwe, vbe irhunmwuirhun kevbe ekhue. Ohan i ghi gie iran ni rre Zaanan ladian hin ore ẹvbo iran rre. Wa gha họn vbene ivbi Betezẹl ya khiẹ hẹ, wa gha wa rẹn wẹ, ehe ne a lẹre yi i ghi rre evba.

Matiu 24:41

Ikhuo eva ghi gha lọ ẹhiẹn vbe olọ, a gha rhie ọkpa, a ghi sẹ nọkpa rae.

Iyẹn ne ọ Maan Ọghe Luk 17:35

Ikhuo eva gha koko gha lọ ẹhiẹn vbe olọ, a ghi rhie ọkpa, a ghi sẹ nọkpa rae. [

I Kọrinti 11:5

Erriọ vbe nọ, okhuo ne ọ na erhunmwu ra te ọ kpe orhu Osanobua vbe uwu ẹbu ugamwẹ, vbe ne ọ ma na rhie emwi gue uhunmwu ẹnrẹn, te ọ fa ọdọ ẹre ua, alughaẹn izẹdẹ rrọọ ne irẹn kevbe okhuo ne a khiokhio ẹre eto.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.