Aizaia 47:12 - Edo Bible (E Baibol Ẹdo) Version 1996

¹² Gha kun egba kevbe akpalode ruẹ khian erriọ ọ re u kun ẹnrẹn khian ke ẹghẹ ọvbokhan gha dee. U gha ghe a gha miẹn emwi ne iran gha ru ne uẹn; u gha ghe, u gha sẹtin runran avbe eghian ruẹn.

Aizaia 47:12 ပူးပေါင်းရင်းမြစ်များ

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Ẹksọdọs 8:7

Sokpan, avbe ọbo edunna keghi vbe ya ọbo edunna iran viọ ẹkirẹ ladian.

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Ezikiẹl 21:26

Mẹ ne Nọyaẹnmwa ne Udazi tae nẹ. Wa viọ ẹde uwa kevbe ukpọn ne uwa ya gbalọ uhunmwu egie hin rre. Emwi okpa ne ọ gha ye dunna vbene ọ ka ye dee yi, ẹ i ghi rrọọ. Wa tọn ivbiogue mu ye ukpo ọdakha. Wa ya iran ni te khaemwisẹ owẹ yotọ.

Daniẹl 2:11

Emwi ne u nọ na Umogun, wegbe sẹrriọ wẹ ọmwa ọkpa ne ọ gha sẹtin ru ẹe nuẹn ẹ i rrọ, sokpan a ma wẹ avbe ẹbọ, sokpan, iran i gu emwa nagbọn di ihọkpa ya.”

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 5:15

A viọ avbe iran ni gu ọmwa zẹ iro gha dee ne iran do tie emwi ne a gbẹnnẹ na kevbe ne iran vbe ta emwi ne a ya ẹe kha, sokpan, iran ma rẹn emwi ne a ya ẹe kha.

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Nahum 3:4

A gha rri ọre oya nian ighe e Ninevi ne ọ kẹkẹẹ ua Ọ ya ose silo avbe uhunmwu ẹvbo kẹ egbe. Ọ keghi ya iran khian eviẹn.

Nọmbas 22:25

Ugbẹn vbe ekẹtẹkẹtẹ ghi bẹghe odibosa, ọ keghi wa piẹnpiẹn egbe la ọkpẹn ekẹn, ọ na wiẹn Balam owẹ vbọ. E Balam keghi fi ekẹtẹkẹtẹ nii emwi.

Arhie Maan 9:21

Ra ne emwa ni vbe fiwerriẹ vbe uwu ne iran na de izigha, ẹbo edunna, alama oghẹ, ra oyi ne iran rhaa.