Aizaia 47:11 - Edo Bible (E Baibol Ẹdo) Version 1996

¹¹ Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Aizaia 47:11 ပူးပေါင်းရင်းမြစ်များ

Nehimaia 4:11

Avbe eghian mwa keghi te gha ro wẹ ma i ra bẹghe iran, ra ma i ra rẹn, iran te do hẹ rhu mwa, ne iran gbele ima an, ne iran da obọ iwinna mwa yi.

Psalm 35:8

Sokpan, ọkhọ gha rruan iran vbe iran te rẹn, ifi ne iran khuẹn gha munọ iran. Iran ghi ya uhunmwu mu emwi ne iran mwamwaẹn.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Psalm 55:15

Te avbe eghian mwẹ gha fian wu; te iran gha ye owẹ khian la ẹvbo emwa ni wulo nẹ. Ọkhọ rre owa iran kevbe ekhọe iran.

Psalm 73:19

A fuẹn iran an vbe udomwurri, ufomwẹ iran keghi khọrhiọn.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Aizaia 13:6

Wa gha tulo utumwẹ obalọ. Ẹdẹ e Nọyaẹnmwa sẹ otọ fo, ẹdẹ ne Oghodua ra mu ọfuan rre.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 30:13

Wa rri abe. Te uwa yevbe ekẹn ne ọ yo ne ọ wa va eva ke odukhunmwu do sẹ otọ. Wa gha de rẹnkhẹn uan. vbe udomwurri.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Aizaia 48:8

Mẹ rẹnrẹn wẹ wa i gia mu ẹtin yan wẹ, etẹ ọ re a rẹn uwa yi ẹdẹ. Onii ọ sii ẹe ne uwa ma na zẹdẹ họn vbekpa ọnọna hiehiere ne ifi ẹmwẹ ọkpa vbọ ma na vbe fi la uwa ehọ.

Aizaia 57:1

Emwa esi ghi wulo, ai miẹn ọmwa ne ọ rẹn otọ ẹre ra ne ọ vbe zẹyọ. Sokpan iran gha wulo, ọkhọ ọhanabe i sẹtin kuan iran.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Jerimaia 51:43

Avbe okpẹvbo ni rrọọ khian emwi ne ọ mianmwẹ ughe, ọ keghi vbe yevbe ato ne amẹ i ye, ehe ne emwa i ye a ma wẹ te emwa ra khian sọe.

Jerimaia 51:8

E Babilọn de udemwẹ udomwurri, ọ keghi rẹnkhẹn uan. Wa khiẹ ọre! Wa gualọ ukhunmwu rhie ye ọre ẹwẹn, u gha ghe, ọ gha rrie.

Eve Orriara 1:21

“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Matiu 18:34

Ohu keghi mu arowa ẹre nii, ọ na ya mu ọguọmwadia ni fi eghan, ne a gha rri ọre oya vbe evba rhinrin ọ te do ha osa hia ne ọ ru.”

Iyẹn ne ọ Maan Ọghe Luk 12:59

Ne I tama ruẹn, u i ke evba ladian vbe ẹ i re te u ha ikọbọ ne igho ne a fian ruẹn re gha ya gba nẹ.”

Iyẹn ne ọ Maan Ọghe Luk 17:27

Emwa kegha re, iran na gha da, iran na gha rọnmwẹ egbe rhinrin ya sẹ ẹdẹ ne Noa la okọ. Uromwẹ amẹ keghi rre, ọ na fuẹn iran hia ua.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.