Aizaia 46:9 - Edo Bible (E Baibol Ẹdo) Version 1996

⁹ Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Aizaia 46:9 ပူးပေါင်းရင်းမြစ်များ

Job 10:13

Banbanna nian, I do rẹn wẹẹ, te u wa do mwamwa emwi ne u gha ru mwẹ re ke ẹghẹ nii gha dee.

Psalm 111:4

E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 41:26

De ọkpa ne ọ tae yotọ vbe uwu uwa ighẹ ọna gha sunu, ne ima miẹn ehe na kha wẹ, ẹmwata u tae? Ọkpa vbe uwu uwa ne ọ ya unu kanrẹn i rrọọ, ọmwa ne ọ họn ẹmwẹ ọkpa vbe unu uwa i rrọọ.

Aizaia 41:27

Mẹ ne Nọyaẹnmwa, mẹ ọ re ọ ka gha na iyẹn na ma Zaiọn; I giee ọmwa gha rrie Jerusalẹm ne ọ ya kha wẹẹ, ‘Emwa uwa dee, iran die owa.’

Aizaia 42:9

Emwi ne I ta yotọ ọ re ọ do sunu na banbanna nian, I gha vbe ta ọvbehe ọghọgbọn ma ruẹn vbe iran te do gha sunu.”

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 46:5

“De ọmwa ne uwa gha ya gie mwẹ yi? Erriọ Nọyaẹnmwa khare. Ọmwa ọvbehe ne ọ yevbe imẹ rrọ ra?

Aizaia 48:3

E Nọyaẹnmwa tama Izrẹl wẹẹ, “Ọ kpẹre ne I ghi ta emwi ne ọ gha sunu yotọ. I keghi vbe ru ẹe vbe udomwurri ne ọ sunu.

Aizaia 65:17

E Nọyaẹnmwa khare wẹẹ, “Mẹ wa yi agbọn ọgbọn nian, kevbe avbe ẹrinmwi ọgbọn. A gha mianmian emwi ni sunu vbe ẹghẹ ne ọ gberra hia fẹfẹẹfẹ.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Joẹl 2:27

Izrẹl wa gha rẹn ẹghẹ nii wẹ adesẹneva uwa ọ re I ye kevbe wẹ mẹ ne Nọyaẹnmwa, ọrọre Osanobua uwa, kevbe wẹẹ, ọvbehe i rrọ. A i ghi dọlegbe zan emwa mwẹ ọvbehe.

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.