Aizaia 46:7 - Edo Bible (E Baibol Ẹdo) Version 1996

⁷ Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Aizaia 46:7 ပူးပေါင်းရင်းမြစ်များ

I Ọba 18:26

Iran keghi mu ẹmila ne a mu gie iran, iran na mwamwa ẹẹn, iran na gha na erhunmwu ghe e Bal ya sẹ ẹghẹ ogiavan. Iran kegha go kha wẹẹ, “E Bal zẹ ẹmwẹ wanniẹn ima.” Iran na gha ku lẹga aka ne iran gba ẹe nii. Sokpan, ewanniẹn ma rre.

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 18:40

Elaija keghi kha wẹẹ, “Wa munọ avbe akhasẹ e Bal, wa ghẹ gie ọkpa lẹfua vbọ!” Iran keghi mu nọ iran hia, Elaija keghi viọ iran gha rrie ovbi Ẹzẹ Kisiọn, ọ na gbele iran an.

Aizaia 37:38

Ọ ghi sẹ ẹdẹ ọkpa, vbe ọ ghi ga vbe aro e Nisrọk ne ẹbọ ne ọ gho, eva vbe uwu avbe ivbi ẹre nikpia, Adramẹlẹk kevbe Siarezẹ, keghi ya umozo iran gbe ẹe rua, iran na lẹ gha rrie otọe Ararat. Ovbi ẹre nokpia ọvbehe ne a tie ẹre Esahadọn keghi rhie ihe ẹre zẹvbe ọgbaisi.

Aizaia 40:20

Ọmwa ne obọ ẹre ma gba esiliva ra igoru, ghi gualọ erhan ne ẹ i ra kẹkẹ. Ọ ghi gualọ owinna ne ọ fu ẹro ne ọ ru amazẹ nẹi ra werriẹ gbotọ.

Aizaia 41:28

Ugbẹn vbe I tọn aro mu ghe avbe ẹbọ, ọkpa vbe uwu iran ne ọ miẹn ẹmwẹ ta i rrọọ; ọkpa vbe uwu iran ne ọ sẹtin rhie ewanniẹn ye ọta ne I nọrẹn i rrọ.

Aizaia 41:29

Kẹkan ọ re avbe ẹbọ na hia wa khin, iran i sẹtin ru emwi rhọkpa hiehiere. Te avbe amazẹ na ye mitanmitan iran i mwẹ ẹtin rhọkpa.”

Aizaia 41:7

Owinna keghi tama ogun igoru wẹẹ, ‘Ọbevbaru!’ Ọmwa ne ọ kaa amazẹ kpẹghẹ, kegha rhie igiọdu ne ọmwa ne ọ ya ise selẹe kugbe. Iran wẹẹ, ‘A saa ẹe ẹse gbe’ iran keghi ya ise kan amazẹ ni mu ihọkpa.

Aizaia 44:12

Avbe ogun ematọn ghi rhie ematọn, ọ ghi mu ẹẹn ye erhẹn gha winna yan. Obọ ẹre ne ọ wegbe ghi gha fi umọmọ ne ọ miẹn ehe na dunmwu ematọn ye ama vbene ọ gha na gha mwẹ ona. Vbe ẹghẹ ne ọ ya ru ẹe nii, ovbamẹ ghi gbẹe, ohanmwẹ amẹ ghi gbẹe, egbe ghi wọ ẹre.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Aizaia 46:1

“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Aizaia 47:15

Emwi ne ọ maa ọkpa ne iran ra ru ne uẹn ọ re ọnii khin avbe iweuki nii ne u gha lẹ bu yo vbe ẹdẹ agbọn ruẹn hia. Iran hia gha sẹ uẹ rae, iran ghi khian okhian ọghe iran ọkpa ighi vbe kẹe vbọ ne ọ gha miẹn ruẹn fan.”

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 11:12

Ẹghẹ nii, ivbi e Juda kevbe Jerusalẹm ghi tulo bu avbe ẹbọ ne iran zọ ese ghe ne iran do yi iran obọ. Sokpan, avbe ẹbọ ni i ra sẹtin miẹn iran fan vbe ọfuan ni a rre.

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Daniẹl 3:1

E Nebukiadneza ne ọba keghi ya igoru ma amazẹ ne uyomwẹ ọnrẹn keve uvbẹmwẹ ọnrẹn re ibata ekigbesiyisẹn, ọ keghi mu ẹẹn ye otọe ne ọ rriẹe ọghe Dura vbe iyaẹvbo e Babilọn.

Jona 1:5

Ohan keghi kakabọ mu avbe oziguẹ dọmwadẹ ọghe ọe kegha tu tie ẹbọ ne ọ biẹ ọe ne ọ bu irẹn rre. Iran keghi gha filo ihẹ ne okọ mu ku ẹzẹ ne a ghẹ gie okọ ni. Ẹghẹ ne a kha na, e Jona keghi wa gha rrie otọ okọ, ọ ke ya lovbiẹ ye otọ owa okọ, ọ na vbiẹ ua.

I Kọrinti 12:2

Wa rẹnrẹn wẹ, ẹghẹ ne uwa na gha re emwa ni ga ẹbọ kẹkan, avbe amazẹ ọre ọ gha ye uwa ru enegbe iran, iran na vbe gha ye uwa ba odẹ ku vbe ẹghẹ hia.

I Samuẹl 5:3

Vbe owiẹ vbirrivbirri vbe ikpẹdẹ ne ọ lele ẹe, ivbi Asdọd ghi do ghe amazẹ e Dagọn de mu aro rhu otọ vbe odaro Ẹkpẹti Ile ọghe Osanobua. Iran keghi tọn ẹẹn mu, iran na mu ẹẹn ye ihe ẹre.