Aizaia 46:4 - Edo Bible (E Baibol Ẹdo) Version 1996

⁴ Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Aizaia 46:4 ပူးပေါင်းရင်းမြစ်များ

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Psalm 68:19

Wa rho e Nọyaẹnmwa ne ọ mu ihẹ mwa ẹdẹgbegbe rẹn ọrọre Osanobua ne ọ miẹn mwa fan.

Psalm 71:18

Ugbẹn vbe I ghi khian ọmaẹn nẹ nian vbe I ghi fu edẹ, ghẹ he mwẹ ye otọ Nọyaẹnmwa! Gun mwẹ gha rrọ vbe I a gha na iyẹn, ẹtin kevbe iwegbe ruẹ, ma avbe orre ni gha he rre.

Psalm 71:9

Ghẹ he mwẹ ye otọ, vbe I khian ọmaẹn nẹ nian. Ghẹ fi iyeke gbe mwẹ vbe egbe mwẹ guọghọ nẹ.

Psalm 92:14

Ne ọ ye mọ vbe ẹghẹ ọmaẹn ne ẹbe ẹre bi nunuunu vbe ẹghẹ hia ọ ghi vbe wegbe.

Aizaia 41:4

Gha ọ ru ẹe ne ọna na sunu yi? Gha ọ tae yotọ vbene emwi gha sunu hẹ? Mẹ ne Nọyaẹnmwa rre evba vbe omuhẹn. Mẹ ne Nọyaẹnmwa Osanobua gha vbe gha rre evba vbe ufomwẹ.

Aizaia 43:13

Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Aizaia 48:12

E Nọyaẹnmwa khare wẹẹ, “Wa danmwehọ mwẹ, ivbi Izrẹl, emwa ne imẹ tiere, mẹ ọrọre Osanobua, okaro, okiekie ọkpa kẹkan ne ọre Osanobua.

Malakai 2:16

E Nọyaẹnmwa Osanobua Izrẹl khare wẹẹ, “Ne a gha khu okhuo wa sọnnọ mwẹ. Te ọ wa sọnnọ mwẹ vbe ọmwaikọmwa vbe uwu uwa a ru amwẹ ọnrẹn emwi dan vberriọ. Gia miẹn wẹ, u ma rhie obọ gberra eyan ne u yaan ma amwọn wẹ u i ra rhie aro ye okhuo ọvbehe aro.”

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Diuteronomi 1:31

Kevbe uwu ato. Wa miẹn vbene ọ ya viọ uwa do sẹ emwa na hẹ ke odọ hia gha dee, zẹ vbene erha mu ovbi ẹre.’

Hibru 1:12

Wẹ gha vbuẹ iran zẹ vbe ẹwu. A ghi vbe fi iran werriẹ zẹ vbe ukpọn. Sokpan abọkpa ni wẹ ye, wẹ i khian ọmaẹn.”

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.