Aizaia 46:1 - Edo Bible (E Baibol Ẹdo) Version 1996

¹ “Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Aizaia 46:1 ပူးပေါင်းရင်းမြစ်များ

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 21:9

Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Aizaia 46:7

Iran ghi tọn ẹẹn mu yan izabọ iran, iran ghi ya ẹe kpao iran ghi mu ẹẹn ye ihe ẹre, ọ ghi gha rre evba, ẹ i sẹtin zẹ owẹ hin ehe ne ọ ye rre. Ọmwa gha na erhunmwu ghe ẹre, ẹ i sẹtin wanniẹn, ra ne ọ miẹn rẹn fan vbe obọ emwi dan.

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Jerimaia 51:44

I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.

Jerimaia 51:47

“Rhunmwuda ọnii, ẹghẹ dee ne I gha na ru avbe ẹbọ e Babilọn emwi. Ekhue gha mu ẹvbo nii hia, a gha vbe gbele emwa rẹn hia a.

Jerimaia 51:52

Rhunmwuda ọnii nian, I khare wẹ ẹghẹ dee ne I gha na ru avbe ẹbọ e Babilọn emwi, emwa ne emwi vbare ghi gha solo vbe otọe ni hia.

Daniẹl 11:8

Ọ gha viọ amazẹ avbe ẹbọ iran gha rrie Igipt, deba avbe emwi ne a ya igoru kevbe esiliva ru ne a ya gho avbe ẹbọ nii.

Daniẹl 3:14

Ọ tama iran wẹẹ, “E Siedrak, e Mesiak kevbe Abẹdnigo, ẹmwata gele nọ ra wẹ wa i gho ẹbọ mwẹ, wa ma vbe ya uhunmwu rhanmwẹ otọ ne amazẹ ne i mẹ maẹn?

Nahum 1:14

Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.

Matiu 23:4

Iran ghi kun ihẹ ne ọ khuaa mu yan emwa uhunmwu sokpan ukpẹ ihen obọ iran ọkpa i dekan ihẹ nii ne iran ya kpa emwa ihẹ.

I Samuẹl 5:3

Vbe owiẹ vbirrivbirri vbe ikpẹdẹ ne ọ lele ẹe, ivbi Asdọd ghi do ghe amazẹ e Dagọn de mu aro rhu otọ vbe odaro Ẹkpẹti Ile ọghe Osanobua. Iran keghi tọn ẹẹn mu, iran na mu ẹẹn ye ihe ẹre.