Aizaia 45:7 - Edo Bible (E Baibol Ẹdo) Version 1996

⁷ Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Aizaia 45:7 ပူးပေါင်းရင်းမြစ်များ

II Ọba 19:25

Wẹ ma he ka họn ighẹ ọ kpẹre ne I ghi mwamwa avbe emwi na ye otọ gha dee, ighẹ te I ghi do mu ẹẹn sẹ na? I rhie ẹtin ne uẹn ne u ya ye avbe ẹvbo ne a gbe odin gaa khian otiku emwi ni rẹnkhẹn uan.

Job 10:13

Banbanna nian, I do rẹn wẹẹ, te u wa do mwamwa emwi ne u gha ru mwẹ re ke ẹghẹ nii gha dee.

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Psalm 105:28

Osanobua keghi gie ebiebi la ẹvbo ni, sokpan, ivbi Igipt ma ya uhi ẹre ru emwi.

Psalm 29:11

E Nọyaẹnmwa ọ re ọ rhie ẹtin ne emwa rẹn, ọ keghi ya ọfumwegbe fiangbe iran.

Psalm 74:16

Wẹ ọ re ọ yi avan kevbe asọn wẹ ọ re ọ mu owẹn kevbe uki ye ihe iran.

Psalm 75:7

Osanobua ọrọre nọ bu ohiẹn ọ gha bu asẹ ne eso ọ gha bu abe gbe eso.

Psalm 8:3

Mẹ gha ghe iso ne uwẹ yi, avbe uki kevbe orhọnmwẹ ne uwẹ viọ ye ihe iran.

Ẹksọdọs 14:20

Ọ keghi mudia ye ẹkpo ivbiyokuo Izrẹl kevbe ivbiyokuo Igipt. Okuku keghi gie ebiebi so yan ivbi Igipt, sokpan, ọ keghi rhie uwanmwẹ ne ivbi Izrẹl, rhunmwuda ọnii, avbe iyokuo nii ma sẹtin sikẹ egbe vbe asọn nii hia.

Aizaia 31:2

Ọ rẹn emwi ne irẹn ru. Ọ ghi gie ọfuan. Ọ ghi vbe mu ẹẹn sẹ ighẹ eyan ne ọ yan rẹn wẹ, rẹn gha rri emwa dan kevbe iran ni gbegue ne iran oya.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 47:11

Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Jerimaia 10:16

Osanobua Jekọb i ye vbe iran, rẹn ọrọre ọmwa ne ọ yii emwi hia, ọ keghi hannọọ Izrẹl zẹẹ ne iran gha re emwa obọ ẹre. E Nọyaẹnmwa ne Oghodua ọ re a tie ẹre.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 31:35

E Nọyaẹnmwa keghi yi owẹn ne ọ gha rhie uwanmwẹ rre vbe avan, uki kevbe orhọnmwẹ, ne iran gha baa vbe asọn ọ tughu okun, ọ keghi gie ẹe da van, e Nọyaẹnmwa ne Oghodua ọ re a tie ẹre.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Eve Orriara 3:38

Ke ne ọ maa, kevbe ne ọ khọ, ọ gha gie ọkpa, ọ re a na ru ẹe.

Ezikiẹl 32:8

I gha dọ ukpa ne ọ rre iso yọ, I ghi mu agbọn uwa fi uwu ebiebi. Mẹ ne Nọyaẹnmwa ne Oghodua tae nẹ.

Daniẹl 2:22

Ọ rhie emwi ni dinmwi kevbe ni re ọghe oro ma emwa ọ rẹn emwi ne a rhie lẹre ye uwu ebiebi, uwanmwẹ ọre ọ lẹga rẹn tobọ irẹn.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 5:6

Wa bu e Nọyaẹnmwa gha khian, wa gha di agbọn ya. Adeghẹ wa ma yo, ọ gha hẹ rhu ivbi Izrẹl zẹvbe erhẹn. Erhẹn nii gha giẹn iran an ighe iran ni rre Bẹtẹl, a i ra vbe miẹn ọmwa ne ọ gha sẹtin dọ ẹre yọ.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.