Aizaia 45:3 - Edo Bible (E Baibol Ẹdo) Version 1996

³ I gha viọ emwi ighobioye guẹ kevbe avbe ẹkhokho ni so ebiebi rre, ẹghẹ nii ọ re u gha na rẹn wẹ mẹ ọrọre Nọyaẹnmwa. Kevbe wẹ Osanobua ọghe Izrẹl ọ re ọ so eni ruẹn ya tie ruẹ.

Aizaia 45:3 ပူးပေါင်းရင်းမြစ်များ

II Krọnikol 6:17

Rhunmwuda ọnii nian, e Nọyaẹnmwa ne Osanobua Izrẹl, gie emwi hia ne u yan ma e Devid ne ọguọmwadia ruẹ gele sẹ.

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹksọdọs 33:12

E Mosis keghi tama e Nọyaẹnmwa wẹẹ, “Ẹmwata nọ wẹ ne I viọ emwa na gha rrie otọ nii, sokpan u ma tama mwẹ ọmwa ne u gha gie lele mwẹ. U keghi kha wẹẹ, ‘U rẹn mwẹ ẹsẹse ekhọe ruẹ vbe rhiẹnrhiẹn ghe mwẹ.’

Ẹksọdọs 33:17

E Nọyaẹnmwa tama e Mosis wẹẹ, “I gha ru vbene u khare na, rhunmwuda ẹko mwẹ rhiẹnrhiẹn ghe ruẹ I keghi vbe rẹn ruẹn ẹsẹsẹmwẹse.”

Aizaia 41:23

Tama ima emwi ne ọ rre ẹdẹ nakhuẹ ma ghi do rẹn ighẹ ẹbọ wa gele khin! Ru emwi esi ọkpa, ra gie ọkhọ sunu gie ima runran ne a gha guọ!

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 48:15

Mẹ ọ re ọ guanrẹn, I na vbe tie ẹre I su ẹe ladian, I na vbe rhie akhọnmiotọ ne ẹẹn.

Aizaia 49:1

Wa danmwehọ mwẹ, wa ne uhunmwu ẹvbo ni rre urria, wa ne emwa ni khian rrei! Te I he rre ẹko iyemwẹ vbe Nọyaẹnmwa hannọ mwẹ zẹ, ọ keghi vbe zẹ mwẹ ne I gha re ọguọmwadia ẹre.

Jerimaia 41:8

Sokpan, arhin erẹnrẹn vbe uwu iran, keghi tama Ismaẹl wẹẹ, “Lahọ, ghẹ gbele ima an, ma mwẹ ọka, ọka irhuarhua kevbe ofigbọn ne ima viọ lẹre ye uwu oha.” Ẹre ọ na sẹ iran rae.

Jerimaia 50:26

Wa la igienenẹ dekun ẹnrẹn, ne uwa zẹ ọduẹ ye ehe ne ọ viọ oka yi. Wa si emwi ne uwa fu viọ vbọ gboo, zẹ vbe ne a si avbe ọka gboo! Wa fuẹn ẹvbo ni uan! Wa ghẹ sẹ emwi ọkpa rae vbọ hiehiere!

Jerimaia 50:37

Dunmwu avbe ẹsin kevbe avbe ikẹkẹ okuo ẹre! Uwu ọ re ọghe avbe ivbiyokuo ne ọ ve ẹre igho hẹ ba egbe. U miẹn vbe iran mitan hẹ! Dunmwu emwi ewe ẹre hia a, zanzan ẹn ne u vbe fu ẹre viọ.

Jerimaia 51:13

Ẹvbo nii mwẹ ẹzẹ ni bun kevbe emwi ẹfe nibun, sokpan, ẹdẹ ọre gba nẹ. A fian irri uwa ẹre fua nẹ.

Jerimaia 51:53

Ọ gha khọn e Babilọn ne ọ khian la uwu iso ne ọ ya bọ ẹvbo ne a gbe odin ga ye odọ, te I gha ye gie emwa ne iran ya fuẹn ọnrẹn uan. Mẹ ne Nọyaẹnmwa taa ẹe nẹ.”