Aizaia 45:23 - Edo Bible (E Baibol Ẹdo) Version 1996

²³ Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 45:23 ပူးပေါင်းရင်းမြစ်များ

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Psalm 132:2

Nọyaẹnmwa, ye eyan ne ọ yan rẹn rre, emwi ne ọ ve uwẹ ne Osanobua Nọkhua ọghe Jekọb re wẹẹ:

Psalm 63:11

Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Psalm 98:2

E Nọyaẹnmwa na iyẹn akhọnmiotọ ẹre, ọ vbe ya ẹtin akhọnmiotọ ẹre, khian ne a rẹnrẹn ne avbe uhunmwu ẹvbo hia.

Aizaia 21:17

Iran ni fi uhanbọ ọrọre emwa ni din sẹẹ vbe Keda sokpan ibozẹghẹ ọ ra kẹe vbọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 45:19

I ma ta ẹmwẹ rhọkpa vbe ẹkhokho ra ne I rhie emwi ne I ra ru lẹre I ma kha wẹ ne ivbi Izrẹl, ya gha gualọ mwẹ vbe ehe ne ọ dihoi rua. Mẹ ọrọre Nọyaẹnmwa, ẹmwata ọ re I vbe ta; I ghi vbe gie emwa rẹn emwi ne ọ re ẹmwata.”

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 49:18

Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Jerimaia 22:5

“Sokpan, a deghẹ wa ma ghi rhie ẹmwẹ ne I tae, I wa vẹn ihẹn ya tae ma uwa wẹ, ẹguae na gha khian itowa. Mẹ ne Nọyaẹnmwa ọ re ọ taa ẹe.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Ebe ne Pọl gbẹẹn gie emwa Rom 11:4

De ewanniẹn ne Osanobua ghi rhie nẹẹn? Ọ wẹẹ, “I ye mwẹ arhin arriaisẹn ihinrọn, emwa ne ọ ma ya uhunmwu rhanmwẹ otọ ne Bal ne ẹbọ ohoghe.”

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Filipai 2:10

Wẹ, ne a ya gha ya ọghọ ne eni Jesu, emwi hia ni rre ẹrinmwi, ni rre agbọn kevbe ni rre ototọ agbọn. Te ehia gha de iguẹ.