Aizaia 45:20 - Edo Bible (E Baibol Ẹdo) Version 1996

²⁰ E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Aizaia 45:20 ပူးပေါင်းရင်းမြစ်များ

II Krọnikol 25:15

Emwi na keghi ya ohu mu e Nọyaẹnmwa, ọ na gie akhasẹ ọkpa bu Amezaia gha khian. Akhasẹ nii keghi nọ wẹẹ, “Vbọzẹ yi ne u na gha gho ẹbọ ẹrrẹe ne ọ ma kue sẹtin miẹn emwa rẹn fan vbe obọ ruẹ?”

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Psalm 115:8

Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 41:21

Ẹmwẹ ne Nọyaẹnmwa ne ọba Izrẹl tae ọ re ọna khin: “Wa ne avbe ẹbọ uhunmwu ẹvbo wa gui ẹzọ ọghe uwa. Ẹzọ ne ọ dia sẹẹ ne uwa mwẹ wa gui ẹe.

Aizaia 43:9

Wa tie avbe uhunmwu ẹvbo hia ne iran gha die ehe ne a na gui ẹzọ na. De ọkpa ne ọ gha sẹtin ta emwi ne ọ gha sunu ẹdẹ nakhuẹ vbe uwu emwi ne iran gho? De ne ọ ta avbe emwi ni sunu na yotọ vbe uwu iran? Wa gie avbe ẹbọ na viọ osẹe iran rre ne iran do tae rhuan wẹ ẹmwata nọ, ne iran sosẹe wẹ ẹmwata ẹmwẹ iran khin.

Aizaia 44:10

Ere ọkpa irrọ ne ọmwa ye ematọn ru amazẹ ne ọ gha gho ẹre zẹ vbe ẹbọ!

Aizaia 44:9

Iran hia ni mannọ amazẹ, emwa oya iran khin avbe ẹbọ ne iran ghe gẹdẹgbẹ i zẹdẹ mwẹ esa, iran ni gho avbe ẹbọ na, emwa ni rhu aro, ni ma rẹn ne a ye, ọ re iran khin, a gha fa iran hia a.

Aizaia 46:1

“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Aizaia 48:14

“Wa hia si koko, ne uwa danmwehọ! Ọkpa i rrọ vbe avbe ẹbọ ne ọ sẹtin tae yotọ wẹ ọmwa ne imẹ zẹe gha mu okuo yo Babilọn; emwi ne I ho ne ọ ru, ọ re ọ ra ru.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Jerimaia 10:14

Emwa nagbọn gha miẹn ọna, iran ghi khian ni ọ zurọ ni i mwẹ ẹwaẹn, iran ni mannọ amazẹ ma rẹn emwi ne iran ru, rhunmwuda, ẹbọ nii, iran i mwẹ arrọọ, ohoghe vbe nọ.

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 48:13

Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Jerimaia 48:47

Sokpan e Nọyaẹnmwa gha gie agbọn dọlegbe maa e Moab vbe ẹghẹ ne ọ dee. Avbe emwi na hia, ọre Nọyaẹnmwa khare ighe ọ gha sunu vbe egbe Moab.

Jerimaia 50:28

(Iran ni lẹ vbe owa, lẹ hin e Babilọn rre gha die Jerusalẹm. Iran na iyẹn vbene Nọyaẹnmwa rria ikhi ye ẹmwẹ vbene ivbi e Babilọn ru Ọgua Osa ẹre hẹ.)

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Ẹfisọs 2:16

Vbe ekpa uwu ne ọ wu vbe uhunmwu ugbugbe, Jesu keghi wabọ irriakhuẹ ne ọ rrọọ, vbe ekpa nene ugbugbe, rẹn keghi ku ẹwae eva ni kugbe ya khian egbe ọkpa, ọ keghi viọ iran werriegbe bu Osanobua gha dee.